२०७८ साउन १९प्यूठान । विद्युत महसुल मिनाहा सम्वन्धी कार्यक्रम कार्यन्वयन गर्न जिल्लाका २ वटा नगरपालिकाले विद्युत सेवा प्रदायक कार्यालयसँग छलफल गरेका छन् । प्यूठान नगरपालिका र स्वर्गद्वारी नगरपालिकाले बुटवल पावर कम्पनीसंग मंगलवार छलफल गरेका हुन । यसअघि माण्डवी गाउँपालिकाले सेवा प्रदायक निकायसँग छलफल गरी प्रक्रिया अगाडी बढाई सकेको छ ।
दुवै नगरपालिकाले २० युनिट भन्दा कम विद्युत प्रयोग गर्ने नगर क्षेत्रका उपभोक्तालाई विद्युत महशुल मिनाहा गर्ने नीति कार्यान्वयन गर्न छलफल गरीएको हो । प्यूठान नगरपालिकाका नगरप्रमुख अर्जुनकुमार कक्षपती, स्वर्गद्वारी नगरपालिकाका नगर प्रमुख नेत्र वहादुर रोकाय, बुटवल पावर कम्पनीका प्रतिनिधी लगायतको उपस्थितीमा छलफल भएको हो ।
प्रथम चौमासिक अन्तर्गत साउन महिनाको महसुल मिनाहा गर्न खाता बन्दिका कारण कार्यन्वयनमा असुविधा हुने भएकाले उक्त समयको जरिवाना नलिन बुटवल पावर कम्पनी केन्द्रीय कार्यालयलाई अनुरोध गर्ने निणर्य भएको प्यूठान नगरपालिकाका मेयर अर्जुनकुमार कक्षपतीले जानकारी दिनुभयो ।
