News Portal

रेडियो सुन्नुहोस्

आइसुलेसन केन्द्रलाइ जीवराज आश्रीत फाउन्डेसनद्वारा स्वास्थ्य सामग्री

एलबी थापा२०७८ भाद्र ५, प्यूठान
१०२५ पटक
२०७८ भाद्र ५, प्यूठान

जीवराज आश्रीत फाउन्डेसन नेपालद्वारा जिल्ला स्तरीय आइसुलेसन केन्द्र प्यूठानका लागि बिभिन्न स्वास्थ्य सामग्री हस्तान्तरण गरिएको छ । शनिवार एक कार्यक्रमको आयोजना गरी फाउन्डेसनले प्यूठान नगरपालिका प्रमुख अर्जुन कुमार कक्षपतिलाइ फाउन्डेसनका अध्यक्ष सागर न्यौपानेले स्वास्थ्य सामग्रि प्रदान गरेका हुन् । राष्ट्रिय युवा संघ नेपालका केन्द्रिय सचिवालय सदस्य लिला जिसिको पहलमा स्वास्थ्य सामग्रि प्यूठान ल्याइएको थियो ।

फाउन्डेसनले पीएपी युनिट, हाइफ्लो नोजल क्यानोला, पिपिई, पल्स अक्सिमिटर, स्तरीय मास्क, सर्जिकल माक्स, डिसइन्फेक्टेन्ट ट्यावलेट लगायतका करिब १२ लाख बरावरका स्वास्थ्य सामग्री बितरण गरेको हो । चिनको परोपकार संस्था चच्यागं आनफु लीसंघको सहयोगमा फाउन्डेसन मार्फत प्राप्त सामग्री हस्तान्तरण गरिएको हो ।

सोहि अवसरमा जीवराज आश्रीत फाउन्डेसनका अध्यक्ष डा. न्यौपानेले आश्रीतले जीवनभर गरेका योगदान तथा कर्महरुको बारेमा जानकारि दिएका थिए । सरकारको उपर्युक्त नीति नहुनु र कर्मचारीको ढिलासुस्तीले विदेशबाट निशुल्क स्वास्थ्य सामग्री ल्याउन कठिन भएको उल्लेख गरे ।

हस्तान्तरण कार्यक्रममा बोल्दै प्यूठान नगरपालिका प्रमुख कक्षपतिले सहयोगी संस्थाप्रति धन्यवाद ज्ञापन गर्दै प्राप्त गरेका सामाग्रीको ठिक तरिकाले प्रयोग गर्न स्वास्थ्यकर्मिलाइ अनुरोध गरे । कोभिडको तेस्रो भेरियन्टसंग जुध्न प्राप्त सामाग्रीले थप शक्ति प्रदान गर्ने उनको भनाइ छ । फाउन्डेसनले पश्चिम नेपालका बिभिन्न जिल्लामा कोभिड लगायतका विपत व्यवस्थापन र रोकथामको लागि, स्वास्थ्य सामाग्री तथा उपकरण हस्तान्तरण गर्दै आएको छ ।

प्रतिकृया दिनुहोस्

सहिद पार्कमा भौतिक संरचना थपिदै

प्यूठान गनरपालिका ७ गाजुरीमा रहेको सहिद स्मृति पार्कको निर्माण कार्य भइरहेको छ । थप व्यवस्थित...

प्यूठानमा २२ हजार ८ सय २४ जना बालबालिकालाई दादुरा–रुवेला खोप लगाईदै

प्यूठानमा २२ हजार ८ सय २४ जना बालबालिकालाई दादुरा–रुवेला खोप लगाईदैछ । स्वास्थ्य कार्यालय प्यूठानले...

प्रजातन्त्र दिवस प्यूठानमा पनि विभिन्न कार्यक्रम गरि मनाईयो

प्रजातन्त्र दिवस प्यूठानमा पनि विभिन्न कार्यक्रम गरि मनाईएको छ । जिल्ला प्रशासन कार्यालय प्यूठानको आयोजनामा...

मुक्ति मा.विको ७२ औं वार्षिक उत्सव तथा अभिभावक भेला सम्पन्न

मुक्ति माध्यामिक विद्यालय रातामाटाको ७२ औं वार्षिक उत्सव तथा अभिभावक भेला सम्पन्न भएको छ ।...

घुमन्ते व्यापारीहरुलाई निरुत्साहित गर्न प्यूठान उद्योग वाणिज्य संघको होडिङ्ग वोर्ड

प्यूठान जिल्लामा अनाधिकृत रुपमा रहेका घुमन्ते व्यापारीहरुलाई निरुत्साहित गर्नको लागि प्यूठान उद्योग वाणिज्य संघले होडिङ्ग...