माण्डवी गाउँपालिका प्यूठानले गाउँपालिका भरका २० युनिट भन्दा कम महसुल आउने उपभोक्ताको विद्युत महसुल तिरिदिएको छ । माण्डवि गाउँपालिकाको निति कार्यक्रम अनुसार साउन महिनाको २० युनिटभन्दा कम महसुल आउने २ हजार ५ सय ३४ घरधुरीको १ लाख २७ हजार रुपैयाँ महसुल बुटवल पावर कम्पनीलाइ भुक्तानी दिइएको गाउँपालिका अध्यक्ष श्रीधर रोकाले बताए ।

त्यसैगरी २० युनिट भन्दा बढी महसुल आउने अन्य उपभोक्ताहरुलाइ गाउँपालिका र सम्बन्धित वडा कार्यालयमा सम्पर्क गर्न अध्यक्ष रोकाले जानकारी दिए । गाउँपालिकाले २० युनिट सम्मको लागि सम्पुर्णको महसुल तिर्ने ब्यवस्था मिलाएको छ । २० युनिट भन्दा बढी महसुल आउने करिब ७ सय घरधुरीलाइ सिभिल बैंकमा खाता खोली भुक्तानी माग गर्न भनिएको छ ।