राज डेकोर होमका सञ्चालक झपेन्द्र शर्माद्वारा पत्रकार कल्याणकारी कोषमा रकम हस्तान्तरण गरेका छन् । नेपाल पत्रकार महासंघ प्यूठानमा स्थापना गरीएको कोषमा शर्माले २५ हजार ५ सय रुपैयाँको चेक उपलब्ध गराएका हुन् ।
डेकोर होम सञ्चालन गरेको १० वर्ष पुगेको अवसरमा शर्माले सामाजिक उत्तरदायित्व वहन स्वरुप अग्रपंक्तिमा रहेर खटिने पत्रकारहरुका लागि सहयोगार्थ कोषमा रकम उपलब्ध गराएका हुन् । शर्माले प्यूठान नगरपालिका ४ भौकामा ब्यवसाय सञ्चालन गर्दै आएका छन ।
आइतवार बिहान आयोजित कार्यक्रममा प्यूठान नगरपालिका प्रमुख अर्जुनकुमार कक्षपतिको प्रमुख आतित्थ्यता रहेको थियो । कार्यक्रममा बोल्दै उनले सानो उमेरमै शर्माले ब्यवसायिक सफलता प्राप्त गरेकोमा प्रशंसा गर्दै सामाजिक सेवामा समर्पित भएर लाग्न शुभकामना दिए ।