रोल्पाको रुन्टीगढी गाउँपालिकाको सुर्पाल तथा गोरिनेटा वजारमा मङ्गलबार बजार अनुगमन गरिएको छ ।

हिन्दु धर्मालम्बिहरुकाे महान चाडपर्व दशैँ तिहार जस्ता पर्वहरु नजिकीदै गरेको अवस्थालाई मध्यनजर गर्दै अनुगमन कार्यलाई तिव्रता दिएको अनुगमन समितीका संयोजक एवं रुन्टीगढी गाउँपालिकाका उपाध्यक्ष छमायाँ पुन ले बताउनु भयाे ।

बजार अनुगमनमा अनुगमन समितीका संयोजक एवं रुन्टीढी गाउँपालिकाका उपाध्यक्ष छमायाँ पुन, सिर्पाल प्रहरी चौकी का प्रतिनिधि धन प्रसाद चौधरी, रुन्टीगढी गाउँपालिकाका रुपेश अधिकारी, श्याममणि विक, दिपक पराजुली, लाल बहादुर केसि, दिपेन्द्र घर्ती, संचारकर्मी,र नगर प्रहरी लगायतको टोली ले बजार अनुगमन गरेको हो ।

अनुगमनको क्रममा पसल दर्ता तथा नविकरण, मुल्यसुची को प्रयोग सम्बन्धि अनुगमन लगायत म्याद गुज्रिएको सामान हरु जफत गरी नष्ट गरिएको छ ।