मंगलबार देशैभर एकैसाथ नेकपा एमालेले प्रथम नगर तथा गाउँपालिका अधिवेशन गरिरहेकोे छ । प्युठानको ९ वटै स्थानीय तहहरुमा भैरहेको अधिवेशनले नयाँ नेतृत्व चयन गर्नेछ ।
प्युठान नगरपालिकाको अधिवेशनमा नेकपा एमाले स्थाइ कमिटी सदस्य तथा पुर्व खानेपानी मन्त्री मणिचन्द्र थापाको प्रमुख तथा केन्द्रिय सदस्य तथा पुर्व प्रधानमन्त्री केपि शर्मा ओलीका प्रेस सल्लाहकार सुर्य थापाको विशेष आतिथ्यता रहेको थियो ।

उनीहरुले यसरी देशैभर एकसाथ अधिबेशन गर्न अन्य पार्टीले नसकेको दाबी गरेका छन । “हामीलाई छोडेर गएकाहरु निडर र देशको लागि लड्ने केपी ओलिकै नेतृत्वको पार्टीलाई रोजेर फर्की आउँदैछन,” मणि थापाले भने । अन्य पार्टीले सरकार चलाउदा वर्षभरि १० किलोमीटर सडक पक्की गर्थे भने केपी शर्मा ओली नेतृत्वको सरकारले हरेक दिन ६ किलोमीटर सडक पक्की गरेको, चुच्चे नक्सा पारित र सगरमाथाको उचाई मापन पनि ओलि नेतृत्वको सरकारले नै गेरेको सुर्य थापाले बताए ।

कार्यक्रममा, प्रदेश कमिटी सचिवालय सदस्य तथा पुर्व सांसद हरि रिजाल, जिल्ला कमिटी अध्यक्ष तुल्सिराम शर्मा लगायतका नेताहरुको उपस्थिति रहेको थियो । कार्यक्रममा बोल्दै नेताहरु यस्तो सान्दर्भिक र उत्साह पुर्ण कार्यक्रम भएकोमा खुशी व्यक्त गर्दै कार्यक्रम सफलता र नयाँ बन्ने कमिटीलाई शुभकामना दिएका थिए ।
कार्यक्रमको अध्यक्षता नगर कमिटी अध्यक्ष टंक बहादुर खड्काले गरेका हुन् । अहिले उनीहरु अन्य गाउँपालिकाको अधिवेशन उद्घाटनको लागी हिडिरहेका छन् ।