राष्ट्रिय सूचना आयोगको आयोजनामा बिहिवार सरदमुकाम खलंगामा सुचनाको हक सम्बन्धी अन्तरक्रिया कार्यक्रम सम्पन्न भएको छ । कार्यक्रममा सहभागीहरुले सरकारी कार्यालयमा नाम मात्रका सुचना अधिकारी राख्ने प्रचलन रहेकोले त्यसको अन्त्यको लागि व्यवस्थापन गर्न सम्बन्धित सरोकारवालाहरुलाइ ध्यान दिन आग्रह गरेका छन ।
अन्य हक भन्दा सूचनाको हक सबैभन्दा महत्वपुर्ण रहेकोले सेवाप्रदायक निकालयले सहज रुपमा सूचना दिनुपर्नेमा आग्रह गरेका थिए । सूचना सधै एउटै ढोकाबाट दिन आग्रह गर्दै उनीहरुले हरेक महिना सूचना सार्जनिक गर्न सेवा प्रदायक निकायलाइ कार्यक्रमका सहभागीहरुको जोड थियो ।
सूचना नागरिकहरुको पहुँचमा हुनुपर्ने जनाउँदै सूचना तत्काल वा १५ दिन भित्रमा सूचना दिन कानुनी प्रावधान रहेकोबारे सहभागीहरुलाइ जानकारी गराइएको थियो । सरकारी कार्यालयका प्रमुख सूचना अधिकारी सन्चारकर्मि लगायतको सहभागीतामा कार्यक्रम सम्पन्न भएको हो ।
कार्यक्रममा सूचनाको महत्वबारे राष्ट्रिय सूचना आयोगका भागिरथ पाण्डेले कार्यपत्र प्रस्तुत गरेका थिए । राष्ट्रिय सूचना आयोगको आयोजनामा सम्पन्न कार्यक्रममा जिल्ला समन्वय समितिका प्रमुख केशवराज आचार्यको प्रमुख आतित्थ्यता, सूचना आयोगका सूचना आयुक्त महेन्द्रमान गुरुङको अध्यक्षतामा कार्यक्रम सम्पन्न भएको हो ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
