सुनौलो सञ्चार प्रा.लिद्वारा सञ्चालित सुनौलो टेलिभिजनद्वारा एक कार्यक्रम आयोजना गरि पत्रकार राजेन्द्र राउत क्षेत्रीलाई सम्मान गरीएको छ । राउत देशमा तत्कालिन माओवादीले सञ्चालन गरेको १० वर्षे जनयुद्धमा भुमिगत भई जनमुक्ति सेना नेपालको कमान्डर समेत थिए ।

टिभिको स्थापना कालदेखि अहिलेसम्म पु¥याएको योगदानको उच्च कदर गर्दै पत्रकारिता संगै राजनैतिक जीवन उज्ज्वल रहोस भन्दै सोमवार झुलेनी यूनाइटेड नेटवर्कको प्राङगणमा सुनौलो सञ्चारले नगद सहित सम्मान पत्र प्रदान गरीएको छ ।

सुनौलो टिभीले १० वर्षे जनयुद्धकालमा भएका घटनाक्रमका अनुभव तथा अन्य राजनैतिक आन्दोलनको बारेमा जानकारी दिदै आईरहेको छ । सन् २०२० बाट उत्कृष्ट अतिथि छनोट गरि सुनौलो टिभिले सम्मान गर्दै आएको छ । २०२० मा बिमलराज क्षेत्रीलाई सम्मान गरिएको थियो भने २०२१ को उत्कृष्ट अतिथि राउतलाई छनोट गरि सम्मान गरीएको हो ।

कार्यक्रममा नेपाल सरकार न्युनतम पारिश्रमिक निर्धारण समितिका सदस्य एवं नेपाल पत्रकार महासंघ प्यूठानका पुर्व अध्यक्ष गिरुप्रसाद भण्डारीको प्रमुख आतिथ्यता रहेको थियो । कार्यक्रममा बोल्दै भण्डारीले राउतलाई बधाई तथा शुभकामना दिदै त्यस बेलाका जनमुक्ति सेना वा राज्यसत्ताका तत्कालिन शाहि नेपालि सेना तथा यूद्धमा होमिएका व्यक्ति एवं समुदायको बारेमा सराहनिय काम गरेकोमा प्रसंशा गरे ।

कार्यक्रममा सहभागी झुलेनी युनाइटेड नेटवर्कका नोमराज पौडेलको विशिेष आतिथ्यता रहेको थियो । कार्यक्रममा बोल्दै पौडेलले न्यु मिडियाको महत्व दिनप्रतिदिन बद्दै गएकाले सुनौलो सञ्चारले गरेको कामको प्रशंसा गरेका छन् ।
सम्मान पाएपछि कार्यक्रममा बोल्दै राउतले ‘यो सम्मानको लागि आफुलाई छनोट गरेकोमा टिभि परिवारलाई धन्यवाद दिए ।

यहाँहरुको यो सम्मानले मलाई थप प्रेरणा मिलेको उनले बताए । टिभिका व्यवस्थापक सुमन भण्डारीले सञ्चालन गरेको कार्यक्रमको टिभिका प्रबन्ध निर्देशक अर्जुन जि.सिले कार्यक्रममा उपस्थित सबैलाई धन्यवाद साथै सदैव माया र हौसलाको अपेक्षा गर्दै समापन गरेका थिए ।