नेकपा (एकिकृत समाजबादी) पार्टीले जिल्ला कार्यालयको बिहिबार उद्घाटन गरेको छ । प्यूठान नगरपालिका–४, जुम्रीमा एक कार्यक्रमको साथ पार्टीका नेता तथा कार्यकर्ताहरुको उपस्थितिमा प्यूठान जिल्ला शाखा कार्यालयको उद्घाटन भएको हो ।

कार्यक्रमका प्रमुख अतिथि केन्द्रिय सचिब तथा लुम्बिनी प्रदेश इन्चार्ज भागवत विश्वासीले कार्यालयको उद्घाटन गरेका थिए । कार्यालयको उद्घाटन पश्चात जुम्रीको होटल आयुष्माको हलमा भेला तथा प्रशिक्षण कार्यक्रम अहिले चलिरहेको छ । कार्यक्रममा लुम्बिनी प्रदेश उपाध्यक्ष मुकुन्दराज रोका, केन्द्रिय सदस्य तथा प्यूठान जिल्ला सह–इन्चर्ज शान्ता आचार्यको विशेष आथित्यता रहेको छ ।

प्यूठान जिल्लाका इन्चार्ज भोज बिक्रम बुढा मगरको अध्यक्षता रहेको कार्यत्रमको सञ्चालन मोहम्मद हलिमले गरेका छन् । नेकपा एमालेसंग फुटेर केही समय पहिले नेकपा एस बनेको हो ।