२०७८ मङ्सिर १८ प्यूठानअखिल नेपाल राष्ट्रिय स्वतन्त्र विद्यार्थी युनियन (क्रान्तिकारी) जिल्ला कमिटि प्युठान को पहिलो बैठक तथा प्रशिक्षणात्मक कार्यक्रम शनिबार सहिद प्रतिष्ठान प्यूठानको सभाहल जुम्रिमा सम्पन्न भएको छ ।
बैठकमा पार्टी केन्द्रीय प्रतिनिधि एवम् प्युठान जिल्ला इन्चार्ज नारायण अधिकारी, पार्टी प्रदेश सचिवालय सदस्य एवम् प्युठान जिल्ला संयोजक कृष्ण अधिकारी (प्रकाश), पार्टी प्रदेश कमिटि सदस्य एवम् प्युठान नगर इन्चार्ज कृष्ण घिमिरे(झपेन्द्र) ले विद्यार्थी संगठनलाई बैचारिक तथा सांगठनिक रुपमा सक्षम विद्यार्थी संगठन निर्माणका लागि प्रशिक्षणात्मक मन्तव्य दिएका हुन ।
बैठकमा विभिन्न प्रस्ताव माथी छलफल तथा निर्णय भएको थियो जस अन्तर्गत प्यूठान जिल्लामा रहेका ६५ माध्यमिक विद्यालय र ५ वटा क्याम्पसमा अनेरास्वियू क्रान्तिकारीको विद्यार्थी संगठन विस्तार गर्नको लागी प्यूठानका ९ वटै पालिकामा संयोजक तोकिएको छ जस अनतर्गत प्यूठान नगरपालिकामा अनुज पछाई, माण्डबी गाउपालिकामा आनन्द जिसी, स्वर्गद्धारी नगरपालिकामा शुशिला जिएम, नौबहिनी गाउपालिकामा बिजय केसी, झिमरुक गाउपालिकामा सागर एमसी, गौमुखि गाउपालिकामा सुन्दर केसी, मल्लरानी गाउपालिकामा अनुज पछाई, सरुमारानी गाउपालिकामा सुजाता थापा, ऐरावति गाउपालिकामा प्रदिप केसीलाई जिल्लाका सम्पूर्ण माध्यमिक विद्यालयमा नेकपा माओवादी केन्द्र निकट विद्यार्थी संगठन अनेरास्वियू क्रान्तिकारीको विद्यालय इकाइ कमिटी गठन गर्ने गरि जिम्मेबारी तोकिएको छ ।
अनेरास्ववियु क्रान्तिकारी प्यूठानका अध्यक्ष प्रेम बहादुर विश्वकर्माको अध्यक्षतामा सुरु भएको कार्यक्रमको प्रमुख अतिथि पार्टी केन्द्रीय प्रतिनिधि एवम् प्युठान जिल्ला इन्चार्ज नारायण अधिकारी रहेका थिए । त्यस्तै विषेश अतिथिमा पार्टी प्रदेश सचिवालय सदस्य एवम् प्युठान जिल्ला संयोजक कृष्ण अधिकारी(प्रकाश) पार्टी प्रदेश कमिटि सदस्य एवम् प्युठान नगर इन्चार्ज कृष्ण घिमिरे(झपेन्द्र) विद्यार्थी फ्याक्सन इन्चार्ज एवम् प्युठान नगरकमिटि सचिव सुमनराज श्रेष्ठ लगायत अनेरास्वियु क्रानितकारीका पधादिकारी र अनेरास्वियू क्रान्तिकारी मुक्ति माबि रातामाटा इकाइ कमिटीका इन्चार्ज प्रशान्त पा्ख्रेल र अध्यक्ष सागर खडकाका लागायतको उपस्थिति रहेको कार्यक्रमको सञ्चालक सचिव आनन्द जिसीले गरेका थिए ।
