रोल्पा जिल्ला अन्तर्गत त्रिवेणी गाउँपालिकाको वडा नं. १ लाई सोमबार एक समारोहको बिचमा बालश्रम मुक्त वडाको रुपमा घोषणा गरिएको छ । यो सँगै गाउँपालिकामा वडा घोषणा गर्ने यो चौथो बनेको छ । यसअघी वडा नं ५, ४ र ३ नं वडालाइ घोषणा गरिएको थियो ।

त्रिवेणी गाउँपालिका वडा नं. १ का अध्यक्ष देउराम घर्तीको अध्यक्षतामा आयोजित घोषणा सभामा त्रिवेणी गाउँपालिका अध्यक्ष शान्त कुमार वलीको प्रमुख आतित्थ्यता रहेको थियो । कार्यक्रममा मन्तब्य राख्दै अध्यक्ष वलीले गाउँपालिकालाइ बालश्रमुक्त घोषणा कार्यमा सामाजिक अभयानका रुपमा लिन र सघाउन सबैलाइ आग्रह गरे ।

घोषणा कार्यक्रमका लागि सेभ द चिल्ड्रेन र मानव अधिकार सचेतना केन्द्र (हुरेक) लगायत सरोकारवालाहरुको सहजीकरण गर्दै आएका छन् । घोषणा सभाको अवसरमा बालबालिका, बालक्लव, व्यापारी, उद्योगी, आमा तथा महिला समूह,  वडा बाल अधिकार समिति, शिक्षक, विद्यार्थी, कर्मचारी, राजनीतिक दलका प्रमुख तथा प्रतिनिधिहरु,  स्थानीयवा, सुरक्षाकर्मी तथा जनप्रतिनिधिहरुको सहभागीमा थियो ।

स्थानीयहरुले झाकि तथा जुलुस निकालि बालश्रम अन्त्यका लागि सबैले प्रतिवद्धता जनाएका छन । कार्यक्रममा बोल्ने वक्ताहरुले बालश्रम अन्त्यको लागि सबैले आ-आफ्नो तर्फबाट पहल गर्नुपर्ने धारणा व्यक्त गरेका थिए । कार्यक्रममा विभिन्न विद्यालयका विद्यार्थीहरुले सचेतनामूलक नृत्य, नाटक समेत प्रदर्शन गरेका थिए ।