प्यूठान उद्योग वाणिज्य संघको आसन्न ११ औं अधिवेशनको गरगर्मि बढेको छ । आसन्न अधिवेशनको बिहिवार उम्मेद्वार मनोनयन दर्ता कार्यक्रम रहेको थियो । मनोनयन गर्दाताका क्रममा उद्योग उपाध्यक्ष दधिराम भण्डारी र वाणिज्य उपाध्यक्ष रेशम के.सी. निर्विरोध निर्वाचित भएका छन् ।

संघको अध्यक्ष पदमा पशुपति नारायण नकर्मि र यज्ञ बहादुर के.सि. (प्रभात) को उम्मेद्वारी परेको छ । त्यसैगरी वरिष्ठ उपाध्यक्ष पदमा प्रमोद पोख्रेल र कृष्णभक्त गिरीले मनोनयन दर्ता गराएका छन् । संघको महासचिव पदमा सन्देश आचार्य र पुर्णचन्द्र सुवेदी, उपमहासचिवमा सुर्यचन्द्र खनाल र गोविन्द पोख्रेल, कोषाध्यक्ष पदमा ऋषिराम अधिकारी र भविन्द्र शर्माको उम्मेद्वारी परेको छ ।