झुलेनी नेटवर्क२०७८ पुस २८, प्यूठान
२०७८ पुस २८, प्यूठानप्यूठान नगरपालिका ४, विजुवार गाँजुरीमा तामझामका साथ सहिद पार्क निर्माण गरीयो । भब्य रुपमा समुद्घाटन पनि भयो । निर्माण सम्पन्न भएको पनि वर्षौ बित्यो । वाटर फाउन्टेन, सहिद पार्क लगायत यहाँ आकर्षणका लागि थुप्रै भौतिक पुर्वाधार पनि निर्माण भएका छन् ।
प्यूठान उद्योग वाणिज्य संघ, प्यूठान नगरपालिका, डिभिजन वन कार्यालय खलंगा लगायतले पार्क निर्माणका लागि लगानी गरेका हुन् । निर्माण सम्पन्न भएपछि यसको संरक्षण र सरसफाइमा कसैको ध्यान पुगेको छैन । वाटर फाउन्टेनमा मोटर बिग्रेर माटोको लेदो जमेको छ ।
पार्क परिसरमा प्लास्टिक कागज, बोतल लगायत फोहोर यत्रतत्र फालिएको छ । आन्तरिक पर्यटन प्रवद्र्धनका लागि नौलो गन्तब्य रहेको यसको संरक्षण कसले गर्ने भन्ने पनि एकिन छैन । लाखौं रकम खर्चेर निर्माण गरीएको यस पार्कबाट एक रुपैयाँ पनि आम्दानी हुन सकेको छैन ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
