खुट्टा भाँचिएर उपचारका लागि समस्यामा रहेका प्यूठान नगरपालिका वडा नं. ५, ओवाङ निवासी कुलमान घर्ति मगरको निःशुल्क उपचार भएको छ ।
६० वर्षिय कुलमान घर्ति मगरको रुखले च्यापेर बायाँ खुट्टा भाँचिएर घाइते भएका थिए । उनको खुट्टाको तिघ्राको हाड भाँच्चिएको थियो ।
घर्ति मगरको पोखरा स्वास्थ्य विज्ञान प्रतिष्ठान, पोखरा पश्चिमाञ्चल क्षेत्रीय अस्पताल पोखरामा निःशुल्क रुपमा सफल शल्यक्रिया सम्पन्न भएको छ । आर्थिक अभावले उपचारमा समस्या व्यहोरेका परिवार निःशुल्क उपचार पाउँदा राहत मिलेको बताएका छन् ।
अस्पतालका चिकित्सक झपिन्द्र पोखरेलको नेतृत्वमा, सुवास गुरुङ, कथितराज घिमि मल्लरानी ३ बरबोट निवासी हाल पोखरा अस्पतालमा कार्यरत चिकित्सक राजेन्द्र पौडेल, यदुनाथ बराल, अरबिन्द्र कुमार शाह र इन्द्र गुरुङ सहितको टोलीले सफल शल्यक्रिया गरेको प्यूठान नगरपालिका वडा नम्बर ५ का वडाध्यक्ष लछुमन भण्डारीले जानकारी दिए ।
आर्थिक अभावमा उपचार गराउँन परिवारलाई समस्या भएको अवस्थामा झुेनी युनाइटेड नेटवर्क प्रा ली को समन्वयमा मल्लरानी ३ बरबोट निवासी हाल पोखरा अस्पतालमा कार्यरत चिकित्सक राजेन्द्र पौडेलले उपचारका लागि सहजीकरण गरेका थिए ।
