News Portal

रेडियो सुन्नुहोस्

स्थानीय निर्वाचनमा सीमान्तककृत समुदायको सहभागिता र सञ्चारको भूमिका विषयमा अन्तरक्रिया

झुलेनी पोष्ट२०७९ बैशाख ३
११५८ पटक
२०७९ बैशाख ३

जागरण मिडिया सेन्टरले सिमान्तकृत समुदायको सहभागिता र सञ्चारको भूमिकाबारे सञ्चारकर्मीहरुसंग अन्तरक्रिया कार्यक्रम गरेको छ । शनिबार प्यूठानको जुम्रि स्थित होटल आयुष्मामा प्यूठानका बिभिन्न मिडिया तथा सञ्चार माध्यमहरुमा कार्यरत पत्रकारहरुको उपस्थितिमा कार्यक्रम गरिएको हो ।

नजिकिदै गरेको स्थानीय तहको निर्वाचनलाई लक्षित गरि सिमान्तकृत समुदायको सहभागिताको सवाल, मतदाताहरु मतदान प्रक्रियामा सहभागि नहुने र सहभागि भएर पनि मत बदर हुने जस्ता सन्दर्भलाई मध्यनजर गरि यो अभियान सुरु गरेको आयोजकले जनाएको छ ।

स्वतन्त्र र निष्पक्ष निर्वाचन प्रक्रियाले निवार्चनको गरिमा र महत्व बढाउने र निर्वाचन प्रक्रियामा सीमान्तकृत समुदायको सहभागिताले त्यस समुदाय प्रति जवाफदेही जनप्रतिनिधि छनोट गर्न मद्वत गर्ने जागरण मिडिया सेन्टरका अध्यक्ष कमला विश्वकर्माले बताईन् । विभेदका कारण पछाडी पारिएको वा पछि परेको लिङ्ग, वर्ग र समुदायका नागरिकलाई राज्यको निति निर्माण र शासन प्रक्रियामा समावेश गराउनको लागि निर्वाचनमा सीमान्तकृत समुदाय र महिलाहरुको सहभागिताले लोकतान्त्रिक निर्वाचन प्रक्रिया बलियो हुने उनले बताईन् । यसले मतदाताहरुलाई आफ्नो शक्ति र जनप्रतिनिधिलाई थप जिम्मेवार बोध गराउँन समेत मद्वत गर्ने उनको भनाई रहेको छ ।

सीमान्तकृत समुदायमा जनप्रतिनिधिको नेतृत्व बहन गर्न सक्ने क्षमता भएपनि आर्थिक अभावका कारण पछि पारिएको उकदाहरण धेरै भएको भन्दै यसलाई न्यूनिकरण गर्न राजनैतिक दलले व्यवस्थापन गर्नुपर्ने सहभागि धनि दमाईले बताईन् ।

सेन्टरले ११ वटा जिल्लामा यो अभियान सञ्चालन गर्ने लक्ष्य लिएको र हाल प्यूठान सहित ५ जिल्लामा अन्तरक्रिया कार्यक्रम गरिसकेको आयोजकले जनाएको छ ।

जागरण मिडिया सेन्टरको आयोजना, वल्र्डभ्यू नेपालको सहयोग र नेपाल पत्रकार महासंघ प्यूठानको समन्वयमा भएको कार्यक्रमको प्रमुख अतिथिका रुपमा महासंघका अध्यक्ष सञ्जय रिजाल रहेका थिए । सेन्टरका अध्यक्ष कमला विश्वकर्माको अध्यक्षतामा भएको कार्यक्रमको सञ्चालन भने लोकेन्द्र सुनारले गरेका थिए ।

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

मल्लरानीमा थपिए तरकारी खेतीका १ सय नयाँ टनेल

मल्लरानी गाउँपालिका वडा नं. ५ सरङ्गकोटका मुकुन्द मल्ल तीन वर्षअघि बैदेशिक रोजगारीबाट फर्किए । गाउँमा...

ईजरायलबाट फर्किएर पूर्वश्रीमतिको हत्या

ईजरायलबाट फर्किएका एक युवकले आफु बैदेशिक रोजगारीमा रहेको बेला दोश्रो विवाह गरेकी पूर्वश्रीमतिको हत्या गरेका...

एकिकृत कृषि कार्यालयद्वारा चालु वर्षका योजनाहरुको अनुगमन

एकिकृत कृषि तथा पशुपंक्षी विकास कार्यालय प्यूठानले चालु आर्थिक वर्षमा सञ्चालित विभिन्न योजनाको अनुगमन गरेको...

बीमाको विषयमा पत्रकारसंग अन्तरक्रिया सम्पन्न

बीमाको विषयमा पत्रकारहरुसँग छलफल तथा अन्तरक्रिया कार्यक्रम जुम्रीमा सम्पन्न भएको छ । नेपाल बीमा प्राधिकरण...

प्यूठानमा विगतभन्दा धेरै बजेट आएको छः मन्त्री थापा

लुम्बिनी प्रदेशका सहरी विकास तथा खानेपानी मन्त्री सरोज थापाले विगतभन्दा जिल्लामा धेरै बजेट आएको बताएका...