राेल्पा सुनछहरी गाउँपालिका ३ बाहिरी गाउँमा वडापालीकाले आफु खुसि कर संकलन गरेको व्यापारिहरुले गुनासो गरेका छन । उनिहरुले गाउपालीकाको निर्देशन भन्दै वडापालीकाका सचिव र अध्यक्षले चन्दा मागेको उनिहरुले आरोप लगाएका छन । वडापालिका लाई सहयोग भन्दै प्रति पसल वाट १५ सय देखि ४५ सय सम्म रकम अशुलि गरेको उनिहरुले वताएका छन ।

वडापालीका अध्यक्ष मत व घर्तिमगर र वडा सचिव नारायण प्रसाद आचार्यले प्रत्यकको पसलहरुमै पुगि जवर्जस्ति पैसा मागेको वताइएको छ । सामान्य किराना पसल, होटेल तथा नास्ता पसलहरुमा उनिहरुले रकम लिएको वताइएको छ । “यो त अति भयो, हामिलाइ व्यापार व्यवसाय गरेर खान पनि नदिने ? यदि कर नै लिएको भए पनि तुलसिपुर कर कार्यालयमा हामिले तिरेका छौँ, घरेलुमा पनि तिरेका छौँ, फेरी गाउपालीकालाई पनि दिनु पर्ने ? यसरी त हामिले घर परिवार कसरी पाल्ने ? सानो व्यापार व्यवसाय गरेर कमाएको थोरै पैसा पनि तिन चार ठाउँमा कर तिर्न मै ठिक्क हुन्छ, हामि दोहोरो तेहेरो करको मारमा प¥यौँ”, सुनछहरी गाउँपालीका ३ बाहिरी गाममा किराना पसल गर्दै आउनु भएका नाम नबताउने सर्तमा एक जना व्यापारीले गुनासो पोख्नु भयो । नेपालको गाउँ, नगर, तथा जुनसुकै सरकारमा पनि व्यापार व्यवसाय गर्दा दोहोरो करको मारमा पर्नु हुँदैन । “गाउपालीकाको ३ नम्वर वडामा के भएको हो” ?, भनि हामिले सुनछहरी गाउपालीकाका प्रवत्ता अम्मरजित पुन लाई सोधेका थियौँ । उहाले “गाउँपालीका भित्र दर्तामा नआएका व्यवसायिहरुलाइ पटक–पटक दर्ता गर्न आग्रह गरेको तर कोहि पनि आए पश्चात गाउपालीकाले ति दर्ता नभई चलाइएका व्यवसायहरु वाट आन्तरीक कर लिने निर्णय गरिएको थियो, सोहि बमोजिम कर लिएको हुनु पर्छ”, उहाले प्रतिकृया दिनुभयो ।

यता उद्योग वाणिज्य संघ रोल्पाका अध्यक्ष विश्व कुमार चन्दलाई यस बारेमा के हो? भनि प्रतिकृया माग्दा “कुनै पनि गाउँ तथा नगरपालीकामा दर्ता नगरी व्यवसाय संचालन गर्न नपाइने, यद्धपि कुनै गाउँ तथा नगरपालीकामा व्यवासाय दर्ता नगरि व्यवसाय संचालन गरेकाहरु वाट त्यसरि आन्तरीक कर भनेर लिन मिल्दैन” उहाले भन्नु भयो । “जसरी भए पनि गाउँ तथा नगरपालीकाले व्यवसायहरुलाइ दर्ता प्रकृयामा लिनु पर्छ, त्यसरी कर लिनु गैर कानुनि हो”, अध्यक्ष चन्दले थप्नु भयो । दर्ता नगरेका व्यवसायिहरुलाई भने यो निर्णय ठिकै होला तर दर्ता गरि व्यवसाय संचालन गरेका हरुलाइ भने यो निर्णयले दोहोरो करको मारमा पार्ने छ । गामका ति व्यापारीहरुले दर्ता गरे नगरेका सबै खालका व्यवसायिहरु वाट कर संकलन गरेको प्रतिकृया समेत दिएका छन । यस वारेमा गाउपालीका र सम्वन्धित पक्षको गम्भिर ध्यान जानु पर्ने देखिएको छ ।