प्युठान नगरपालिका वडा नम्बर ३ का वडा अध्यक्ष प्रेम बहादुर हमालले आफुले प्रयोग गर्दै आईरहेको सवारी साधन फिर्ता गरेका छन ।

२०७४ सालको स्थानिय तहको निर्वाचनमा प्यूठान नगरपालिका वडा नं.३ बाट निर्वाचित भए प्रश्चात अहिलेसम्म प्रयोग गर्दै आईरहेको लु १ ब २२४८ नम्बरको मोटरसाईकल शुक्रबार फिर्ता गरेको अध्यक्ष हमालले बताए । उनले वडाको प्राविधिक सहायक धोज बहादुर केसीको जिम्मामा रहनेगरि सवारीसाधन फिर्ता गरेका हुन ।

स्थानिय तहको निर्वाचन नजिकिदै गर्दा आफुहरु चुनाव प्रचार प्रसारमा लागेको भन्दै यो समयमा सरकारी गाडी प्रयोग गर्न अनुचित हुने भन्दै सवारी फिर्ता गरेको उनको भनाई छ ।
वडा अध्यक्ष पदमा एमालेलेका उम्मेदवार हमालले २०७४ सालको स्थानिय तहको निर्वाचनमा ६ सय ५९ मत सहित माओबादी केन्द्रका उम्मेदवार शिव बहादुर पुलामीलाई पराजित गरेका थिए ।