![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2022/05/Picsart_22-05-02_20-40-35-813-711x400.jpg)
प्युठान नगरपालिका ६ निवासी खेतुलाल भण्डारीले आफ्नो श्रीमतीको नाममा धर्मावती मा. वि. प्युठान नगरपालिका ६ माझकोट्मा २ लाख २ हजार २२ रुपैयाँको अक्षयकोष स्थापना गरेका छन् । श्रीमती टीका थापा भण्डारीको गत वर्ष बैशाख १९ गते मृत्युु भएको थियो । आज एक वर्ष पुगेकाले वार्षिकी स्मरण गर्दै भण्डारीले विद्यालयमा अक्षयकोष स्थापना गरेका हुन् । उनको श्रीमती लामो समयदेखि सोहि विद्यालयमा अध्यापन गराउदै आइरहेकी थिइन् ।
वार्षिक रुपमा विद्यालयमा अध्ययनरत उत्कृष्ट, गरिव तथा जेहेन्दार विद्यार्थीहरुको हौसला बढाउन र पढाईमा थप प्रोत्साहन गर्न अक्षयकोष स्थापना गरिएको भण्डारीले बताएका छन् । साथै विद्यार्थीहरुले मेहनत गरे आगामी वर्षहरूमा समेत अक्षयकोष वृद्धि गर्दै जाने उनले बताएका छन् । अक्षयकोष स्थापना गर्न उनी सङ्गै उनका छोरा प्रकाश भण्डारी र किरण भण्डारीले समेत महत्त्वपूर्ण सहयोग गरेका छन् ।
विद्यालयका प्रधानाध्यापक पुस्पलाल पुन मगरले अक्षयकोष स्थापना गरेर विद्यार्थीको हौसला र विद्यालयक गरिमा बढेकोमा खुशी र परिवारलाई धन्यवाद समेत व्यक्त गरेका थिए । यस्तै विद्यालय व्यवस्थापन समितिका अध्यक्ष आकाश भण्डारीले कोष स्थापनाको प्रसंशा गर्दै सहि ढंगले परिचालन गरिने बताउदै विद्यार्थीको पढाई प्रतिको रुचीमा वृद्धि भइ उत्कृष्ट नतिजा ल्याउनमा थप मेहनत गर्ने विस्वाश समेत लिएको बताएका छन् ।
कार्यक्रममा स्थानीय जनप्रतिनिधि, राजनैतिक दल, पुर्व वि. व्य. स. का अध्यक्ष, शिक्षक र विद्यार्थीहरुको उपस्थिति रहेकोे थियो ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)