सिखबर संवाददाता प्यूठान साउन, ३०
प्यूठान साउन, ३०प्यूठान जिल्ला गौमुखी गाउँपालिका वडा नं ४ साविककाे पुजा गाविस पातालेखर्क जाडगाउँमा खसेको पहिरोले मंगलबार राति ३ घरगोठ पुरेको प्युठानका प्रमुख जिल्ला अधिकारी बद्रीनाथ गैरेले बताउनुभयो । स्थानीय देवबहादुर सुनारको घरगोठ र झगे विकको घर पहिरोले पुरेको हो ।
पहिरोमा परेर ३५ वर्षीय झगे विक बेपत्ता भएका हुन् । सोही पहिरोमा ७ वटा बाख्रा र ४ भैंसीसमेत बेपत्ता भएको जानकारी प्राप्त भएकाे छ । स्थानीयका अनुसार अन्य ७ वटा घरसमेत पहिरोको उच्च जोखिममा रहेकाे बताएका छन ।
घटनाको बिस्तृत जानकारी लिन र उद्धारका लागि बुधवार बिहानै जिल्ला प्रहरी कार्यालय प्यूठानका प्रहरी नायव उपरिक्षककाे उद्दार टोली घटना स्थलतर्फ पठाइएको प्रमुख जिल्ला अधिकारी गैरेले जानकारी दिनुभयो । अहिले घटनाको क्षतिको विवरण संकलन र उद्धार कार्य भैरहेकाे छ ।
