लुम्बिनी प्रदेश सरकारले आर्थिक वर्ष २०७९÷८० को बजेट विनियोजन अन्तर्गत प्यूठानमा स्वास्थ्य, कृषि, शिक्षा र पर्यटनलाई प्राथामिकता दिएको छ । बुधबार प्रदेश सभाको बैठकमा आर्थिक मामिला तथा सहकारी मन्त्री कृष्णध्वज खड्काले प्यूठान जिल्लामा स्वास्थ्य, कृषि,शिक्षा र पर्यटनलाई प्राथामिकतामा राखेर बजेट सार्वजनिक गरेका हुन ।
स्वास्थय तर्फ प्यूठान अस्पताल सहित गुल्मी अस्पतालमा अत्याधुनिक ल्याप्रोस्कोपी सेवा विस्तारका लागि २ करोड, बर्दिया र पृथ्वीचन्द अस्पतालमा डिआर एक्सरे सञ्चालनका लागि १ करोड ४० लाख, गुणस्तरीय पाठ्यक्रम, दक्ष प्रशिक्षक, प्रभावकारी शिक्षण विधि र सिप परिक्षणका माध्यमबाट गुणस्तरीय तालिम सञ्चालन गर्न प्यूठानमा ल्याव सहितको सीप प्रतिष्ठान स्थापना गर्न १ करोड बजेट विनियोजन भएको छ ।
त्यस्तै बजेटमा स्वास्थ्य संस्था सुदृढीकरण र भवन निर्माण, अल्लो व्यवसाय प्रर्वद्धन, ओखर, टिमुर, अल्लो, दालचिनी, चिउरी र मालागिरी लगायत जडिवुटीको खेती विस्तार, सदरमुकाम र महत्वपूर्ण स्थानमा सौर्य बत्ति जडान, पर्यटकीय क्षेत्र विकास तथा विस्तार लगायतका कार्यक्रम समेटिएको छ ।