News Portal

रेडियो सुन्नुहोस्

गाैमुखीमा नदिले बगाएकाे बालकलाई उद्दार गर्ने दुई बालकहरुलाई कक्षा १२ सम्म नि:शुल्क शिक्षा प्रदान गरिने

झुलेनी नेटवर्क२०७९ असार २८, प्यूठान
४२३ पटक
२०७९ असार २८, प्यूठान

गौमुखी माध्यमिक विद्यालयले नदिले बगाइरहेको अवस्थामा बालकको उद्दार गर्ने दुई विद्यार्थीहरुलाई कक्षा १२ सम्म निशुल्क शिक्षा दिने भएको छ । गएको असार २२ गते गौमुखी गाउँपालिका ठुलाबेसीका बालक शिशिर केसीलाई झिमरुक खोलाले बगाउँदै गर्दा गौमुखी माध्यमिक विद्यालयमा कक्षा १० मा अध्ययनरत छात्र चन्द्र सुनार र कक्षा ८ मा अध्ययनरत सुशील सुनारले आफ्नो ज्यानको प्रवाह नगरि शिशिरको ज्यान बचाएका थिए ।

साथै उनीहरुले करिब ६०० मिटर टाढाको नदिबाट उद्धार गरी वालकलाई पुनर्जीवन दिएको भन्दै गौमुखी गाउँपालिका उपाध्यक्ष महावीर रानाको विशेष उपस्थिति एवं् गौमुखी बजार ईलाकाको आयोजनामा उनीहरूलाई सम्मान समेत गरिएको छ ।

कार्यक्रममा बोल्दै गौमुखी गाउँपालिका उपाध्यक्ष महावीर रानाले उद्धारकर्ता छात्रहरूको असाधारण कार्य भएको बताउँदै उनीहरुको प्रशंसा समेत गरेका थिए ।

त्यस्तै ती बालकहरुलाई जिल्लाका विभिन्न सामाजिक व्यक्तित्व तथा युवा व्यवसायीहरुले हौसला स्वरुप आर्थिक सहयोग प्रदान गरिरहेका छन् । उद्योग वाणिज्य संघ प्यूठानका निवर्तमान अध्यक्ष ज्ञामुराम न्यौपानेको संयोजकत्वमा उनीहरूलाई प्राप्त हुने सहयोगलाई व्यवस्थापनको लागि समिति समेत गठन गरिएको गौमुखी गाउँपालिका उपाध्यक्ष महाविर रानाले बताए । साहसी बालकहरुको उच्च शिक्षामा सहज होस भन्दै हालसम्म विभिन्न व्यक्तिहरुबाट हौसला स्वरुप ८३ हजार नगद संकलन भएको छ ।

सम्मान कार्यक्रमको आयोजना बालक शिशिर केसीको घर परिवारले गरेको थियो । परिवारको तर्फबाट बालकका अभिभावकबाट ३० हजार र एकीकृत बचत तथा ऋण सहकारी संस्था ठुलाबेसीका अध्यक्ष केशव केसीले २० हजार पुरस्कार प्रदान गर्ने घोषणा गरेका छन ।

प्रतिकृया दिनुहोस्

रक्तदाता दिवसको अवसरमा प्यूठानमा १५ जनाले गरे रक्तदान

विश्व रक्तदाता दिवस प्यूठानमा पनि मनाईएको छ । नेपाल रेडक्रस सोसाईटी जिल्ला शाखा प्यूठानको आयोजना...

प्यूठानको ऐरावतीमा भिरबाट लडेर एक पुरुषको मृत्यु

प्यूठानको ऐरावती गाउँपालिकामा एक पुरुषको भिरबाट लडेर मृत्यु भएको छ । शुक्रबार विहान साढे ११...

माण्डवी गाउँपालिकाले दिगो विकास लक्ष्यको स्थानीयकरण गर्दै

माण्डवी गाउँपालिकाले दिगो विकास लक्ष्यको स्थानीयकरणका लागि कार्य सुरु गरेको छ । संयुक्त राष्ट संघमार्फत...

एकै दिनमा २ सय ५० जनाले आँखा जाँच गराए

आँखा अस्पताल बिजुवारमा एक दिने शिविर सम्पन्न भएको छ । शिविरबाट २ सय ५० जनाले...

जिल्ला पूर्ण खोप सुनिश्चितता घोषणा गर्ने तयारीमा

प्यूठान जिल्लाका सबै स्थानीय तह पूर्ण खोप सुनिश्चितता पालिका घोषणा भएका छन् । जन्मेदेखि १५...