प्यूठानमा सोमबार एक व्यक्ति हराएको ५ दिन पछि मृत फेला परेका छन ।

प्यूठान नगरपालिका वडा नं.५ का अन्दाजी ५६ वर्षिय दाईराम थापा जुर्मीकाडाको आरुडाडा स्थित अमिलेगैराको एक खोल्सामा मृत भेटिएको स्थानिय लक्षुमण भण्डारीले बताए ।
भण्डारीका अनुसार थापा साउन १२ गतेका दिन विहान अदुवा, वेसार बेच्न भनी बिजुवार बजार आएका थिए । सोही दिन साझ गाडीमा चामल लिएर घर फर्किएका उनी छिमेकीको घरमा चामल राखेर एकैछिन पछि आउछु भनेर छिमेकीको घरबाट निस्किएका थिए ।
त्यसपछि उनी घर फर्किएका थिएनन् । स्थानियले खोजी गर्दै जादा थापा सोमबार बिहान मृत अवस्थामा भेटिएका हुन् ।

मृतकको शवलाई पोष्टमार्टमको लागि जिल्ला अस्पताल बिजुवारमा ल्याइएको छ । मृतक थापा घरमा एक्लै बस्दै आइरहेका थिए ।

घटनाबारे थप अनुसन्धान भैरहेकाे छ ।