कृषि विकास बैंक लिमिटेड शाखा कार्यालय भिङ्ग्रीको आयोजनामा प्रज्वलित सामाजिक उधमी महिला सहकारी सस्था स्वर्गद्वारी नगरपालिका वडा न ४ जिमुरपाटामा एक कार्यक्रमकाबिच वित्तीय शिक्षा तथा व्यावसायिक साक्षरता कक्षाको उद्घाटन गरेको छ ।

नेपाल सरकार मार्फत आइ.एफ.ए.डी.को अनुदान सहयोगमा सञ्चालित RPSF–APlA/VITA परियोजना अन्तर्गत कृषि विकास बैंकले वित्तिय शिक्षा तथा व्यवसायिक साक्षरता कार्यक्रम सुरु गरेको हो । विशेषगरी किसान एप र किसान क्रेडिट कार्डका माध्यमबाट कृषकको व्यवसायिक पहुँच वृद्धि गर्ने लक्ष्य कार्यक्रमको रहेको बैंकले जनाएको छ । शाखा अन्तर्गत उक्त सहकारीमा ४ वटा कक्षा संचालन हुने कृषि विकास बैक शाखा भिङ्रीका प्रबन्धक लक्ष्मी नारायण चौधरीले जानकारी दिए । उहाँका अनुसार एउटा समुहमा २५ जनाका दरले किसानहरु सहभागी हुने बताए । आपूर्ति शृंंखलामा संलग्न साना किसानहरु, संकलक तथा प्रशोधनकर्ता, उद्यमीहरु, कम्तीमा ३० प्रतिशत युवा एवं दलित जनजाती लगायत पिछडिएका वर्गलाई लक्षित गरिएको छ । उक्त कार्यक्रमबाट प्रत्येक्ष रुपमा १०० र अप्रत्यक्ष रुपमा ५०० भन्दा बढी कृषक लाभान्वित बैंकले जनाएको छ । स्वर्गद्वारी नगरपालिका मेयर टेक प्रसाद भण्डारीको प्रमुख आथित्यतामा भएको कार्यक्रममा प्रमुख प्रशासकीय अधिकृत तुल्सिराम गैरे तथा स्वर्गद्वारी नगरपालिका वडा न ४ का वडा अध्यक्ष सुवर्णमान श्रेष्ठको पनि उपस्थिति रहेको थियो ।

कार्यक्रममा बोल्दै स्वर्गद्वारी नगरपालिका मेयर टेक प्रसाद भण्डारीले कृषि बिकास बैकले बिगत ५५ बर्ष देखि कृषकको हितमा काम गर्दै आएको कुरालाइ स्मरण गर्दै यस्ता कार्यक्रमले आगामी दिनहरुमा पनि थप महिला शशक्तिकरणमा सहयोग पुग्ने हुदा निकै महत्वको साथ कक्षा लिन अनुरोध समेत गरेका छन् । आपूर्ति शृङ्खला र मुल्य शृङ्खलाबारे जानकारी दिँदै कार्यक्रमले कृषकहरुको वित्तीय तथा व्यवसायिक ज्ञानमा वृद्धि भइ जीवनस्तरमा परिवर्तन भए मात्र कार्यक्रमको औचित्य रहने साथै कृषि विकास बैकको किसान क्रेडिट काड र किसान एपको महत्व बारे कृषि विकास बैक लिमिटेडका कार्यक्रम सुपरभाइजर नोमराज पौडेलले जानकारी दिए । सहकारी अध्यक्ष जीवा रावल क्षेत्रीले आफुहरु कृषि विकास बैकको सेवा प्रति निकै खुसी रहेको बताउदै बैकसँग आगामी दिनमा थप साझेदारी मार्फत कृषकको हितमा काम गर्न इच्छुक रहेको बताए ।