प्यूठान, कोरोना भाईरस संक्रमणको आशंकामा स्वाब परिक्षणका लागि जिल्लाबाट पठाईएका ९ जनाको रिपोर्ट नेगेटिभ आएको छ।
स्वास्थ्य कार्यालय प्यूठान मार्फत परिक्षणका लागि पठाईएका जिल्लाका ७ जना र जिल्ला अस्पताल बाट नमुना संकलन गरी पठाएका २ जना गरी ९ जना कै रिपोर्ट नेगेटिभ आएको हो ।स्वास्थ्य कार्यालय प्यूठानका विपद ब्यवस्थापन फोकल प्रसन पुष्कल श्रेष्ठले दिएको जानकारी अनुसार भारत तथा अन्य तेश्रो मुलुकबाट प्यूठान आएका मध्ये कोरोना भाईरससँग मिल्दाजुल्दा लक्षणहरु देखिएपछि बिरामीहरुलाई परिक्षणका लागि जिल्लाबाट काठमाण्डौं पठाईएको थियो।
स्वास्थ्य कार्यालय मार्फत पठाएका जिल्लाका प्यूठान नगरपालिका वडा नं. १० को १ जना , वडा नं.२ को २ जना, माण्डवी गाउँपालिका वडा नं. ४ को १ जना, मल्लरानी गाउँपालिका वडा नं. ४ को १ जना , ऐरावति गाउँपालिका वडा नं. २ को १ जना र वा नं.५ को १ जना गरि ७ जनाको रिपोर्ट नेगेटिभ आएको हो। त्यस्तै जिल्ला अस्पताल मार्फत स्वाब संकलन गरी पठाएका मल्लरानी गाउँपालिकाका २ जनाको स्वाब संकलन गरी परिक्षणका लागि प्रदेश जनस्वास्थ्य प्रयोगशाला बुटवलमा पठाईएकोमा उनीहरुको रिपोर्ट नेगेटिभ आएको जिल्ला अस्पताल प्यूठानका निमित्त मेडिकल सुपरिटेन्डेन्ट डाक्टर अमृत पन्थीले जानकारी दिए ।
रिपोर्ट नेगेटिभ आएकोले जिल्लाबासीका लागि सकारात्मक कुरा भएको र अझै सचेत भई लकडाउनमा बस्नुपर्ने स्वास्थ्य कार्यालय प्यूठानका प्रमुख बिशाल सुवेदीको भनाई छ। उनले भने –“हामीले अहिले सम्म स्वाब परिक्षणका लागिस्वास्थ्य कार्यालय मार्फत पठाएका ७ जना र जिल्ला अस्पतालबाट पठाएका २ जना गरी ९ जना कै रिपोर्ट नेगेटिभ आएको छ, यो खुसीको कुरा हो तर अझै पनि सचेत बन्न र सावधानी अपनाउन भने जरुरी छ।”
स्वाब संकलन गरी जिल्ला अस्पतालको आइसोलेसनमा राखिएका दुवैजनाको स्वास्थ्यमा सुधार आएको भन्दै आज नै उनीहरुलाई डिस्चार्ज गरिएको अस्पतालले जनाएको छ ।
प्यूठानबाट स्वाब परिक्षणका लागि पठाएका ९ जनाकै रिपोर्ट नेगेटिभ
दीपा पौडेल२८ चैत्र , २०७६
२८ चैत्र , २०७६आगलागी सम्बन्धी कृतिम अभ्यास कार्यक्रम बिजयनगरमा सम्पन्न
“समुदायको अगुवाईमा विपद जोखिम न्यूनीकरण परियोजना” अन्तर्गत आगलागी सम्बन्धी कृतिम अभ्यास कार्यक्रम बिजयनगरमा सम्पन्न भएको...
आजदेखि नयाँ शैक्षिक सत्रको भर्ना अभियान सुरु
नयाँ शैक्षिक सत्र २०८१ को विद्यालय भर्ना अभियान आजदेखि सुरु भएको छ । ‘सबै बालबालिकाको...
२०८२ मा उज्यालो प्यूठान घोषणा हुने
२०८२ सालसम्म प्यूठान जिल्ला पूर्ण विद्युतिकरण हुने नेपाल विद्युत प्राधिकरण वितरण केन्द्र प्यूठानले जनाएको छ...
मल्लरानीमा दोस्रो (फूडफेस्टिवल) खाना महोत्सव सुरु
मल्लरानीमा आजदेखि खाना महोत्सव सुरु भएको छ । नयाँ बर्षमा मल्लरानी जाऔं, प्राकृतिक रमणीय दृश्यवलोकनका...
अहिलेको शैक्षिक अवस्था, एक चिन्तन
आजभोली विद्यालय शिक्षाको बार्षिक नतिजा प्रकाशनको समय भएकोले नतिजा प्रकाशन र यसका सन्दर्भमा विभिन्न कोणबाट...
- नेपाली हर्ट ग्रुपको ११४ औं सहयोगार्थ कार्यक्रम कैलालीमा सम्पन्न
- प्यूठानमा ८४ जना शिक्षकले पाए नियुक्ति
- नयाँ तथा पुराना किताबहरु संकलनका लागि समिति गठन
- स्वास्थ्य चौकिबाटै २१ जना गर्भवती महिलाले भिडियो एक्सरे गराए
- ६७ औं राष्ट्रिय सहकारी दिवस प्यूठानमा पनि मनाईयो
- प्यूठानमा ६ दिने आधारभुत स्काउट तालिम सुरु
- स्वर्गद्धारी ८ धन्चौरमा गाडी दुर्घटना हुँदा ५ जना घाईते
- लुम्बिनीको मुख्यमन्त्रीमा महरा नियुक्त
- ऐरावतीमा भएको आँखा शिविरबाट २ सय ४१ जनाले सेवा लिए
- पार्टीलाई बलियो बनाउन जनताप्रतिको विश्वास टुटाउन हुन्न : सांसद चौधरी