सिखबर संवाददाता२ असार
काठमाडौं । नेपाली काँग्रेसभित्र पहिलो पटक सभापति शेरबहादुर देउवालाई नेता रामचन्द्र पौडेल समूहले पराजित गरेको छ ।
पार्टी निकट मजदुर संगठन नेपाल ट्रेड युनियन काँग्रेसमा पौडेल समूह विजयी भएको छ ।
राजधानीमा सम्पन्न छैटौं महाधिवेशनबाट पुष्कर आचार्यको पूरै प्यानल विजयी भएको छ । आचार्यलाई नेता पौडेल र कृष्णप्रसाद सिटौलाको समर्थन थियो ।
उता सभापति देउवाको तर्फबाट निवर्तमान अध्यक्ष खिलानाथ दाहालको प्यानल थियो । अध्यक्षमा आचार्यले ८१८ मत ल्याउँदा दाहालले ५३३ मत ल्याएका थिए ।
यसअघि कर्मचारी, शिक्षक र इञ्जिनियरिङ संगठनमा सभापति देउवाको समूह पराजित भइसकेको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
