२०७८ भाद्र २७नेकपा एमाले प्यूठानको भदौ ३१ गते जिल्ला भेला हुने भएको छ । एमाले जिल्ला कमिटि प्यूठानको आइतवार पार्टी कार्यालय विजुवारमा सम्पन्न जिल्ला कमिटि बैठकले यस्तो निणर्य गरेको प्रचार विभाग प्रमुख नेगनसिंह कुवरले जानकारी दिए । भेलामा जिल्ला कमिटीका सदस्य, प्रदेशकमिटी, जनवर्गिय संगठनबाट १० जना प्रतिनिधि, गाउँपालिका संगठन कमिटी र वडा कमिटीका पदाधिकारीहरु सहभागि हुने कुवरले बताए ।
उनका अअनुसार बैठकले जनवर्गिय संगठनको बैठक तथा भेला गर्ने र जिल्ला कमिटीको संख्या २ सय १ रहेकोमा २४ जना थपेर २ सय २५ जना पुर्याउने समेत निणर्य गरेको छ । बेठकमा नेकपा एमालेका लुम्बिनी प्रदेश कमिटीका संयोजक लिला गिरी, प्रदेश कमिटी सचिवालय सदस्य हरि रिजाल, प्रदेश कमिटी सदस्य राम बहादुर के.सी, प्रदेश कमिटी सदस्य विजय विराज बिष्ट र प्रदेश कमिटी सदस्य कमला रिजाल लगायतको अथित्थ्यता रहेको थियो ।
सोही अवसरमा बोल्दै लुम्बिनी प्रदेश कमिटि संयोजक लिला गिरीले एमालेबाट माधव नेपाल समुह फुटेर गएको नभई चोइटिएर गएको संज्ञा दिए । प्रदेश स्तरमा लाभका लागि केहिँ प्रदेश सांसद गएपनि स्थानीयत स्तरमा यसको कुनै पनि असर नपरेको गिरीको जिकिर थियो । बैठकमा बोल्दै प्रदेश कमिटी सदस्य तथा प्यूठान क्षेत्र नं १ का प्रदेश सभासद हरी रिजालले लोभी पापिहरुले छुट्टै दल गठन गरेपनि नेकपा एमाले केहि असर नपरेको बताए ।
उनले नेपालभर रहेका कुल मध्येबाट ९ प्रतिशत मात्र अलग भएकाले यिनिहरु टुक्रिएको नभइ लाभ लिनका लागि छुट्टै दल गठन गरेर गएको संज्ञा दिए । बैठकमा जिल्लाका ९ वटै स्थानीय तहका पार्टी गाउँपालिका संयोजक तथा सचिवबाट पालिका स्तरको गतिबिधिको बिषयमा रिर्पोटिङ गरीएको प्रचार विभाग प्रमुख कुवरले जानकारी दिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
