२०७८ मंसिर २६नौबहिनी गाउँपालिका ८, लुप्लुङमा एक जना युवकको मृत अवस्थामा सब फेला परेको छ । लुप्लुङ देखि तल धुवाखर्क नजिकै खोलामा प्यूठान नगरपालिका ८, निवासी ३२ वर्षका मोहन महतरा आइतवार बिहान मृत अवस्थामा भेटिएका हुन् ।
मृतक महतरा शुक्रवार राती लुप्लुङको दिवाली र्हेनका लागि गएका थिए । मेलामा करिब राती २ बजेतिर प्यूठान नगरपालिका ८ कै दुई समुह बिच झडप भएको बताइएको छ । मृत भेटिएका युवक झडप भएदेखि करिब ४ बजेपछि सम्पर्क बिहिन रहेको उनका आफन्तले बताएका छन् ।
शनिवार दिनभर खोजतलास गर्दा पनि नभेटिएका महतरा आइतवार मृत अवस्थामा फेला परेका हुन् । घटना स्थलमा आज दिउसो इलाका प्रहरी कार्यालय लुङबाट प्रहरी पुगेर मुचुल्का उठाउने कार्य गरीरहेको जिल्ला प्रहरी कार्यालयले जनाएको छ । मृत भेटिएका युवकको शरीरमा चोटपटक लागेको छ ।
युवकको शरीरभरी चोटपटक लागेकाले हत्या गरेर कसैले फालेको हुनसक्ने मृतकका आफन्तले बताएका छन् । घटनाको बारेमा अनुसन्धान थालिएको प्रहरीले जनाएको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
