झुलेनी नेटवर्क २०७८ पुष २, प्यूठान
२०७८ पुष २, प्यूठानऐरावती गाउँपालिका वडा नं.–६, निवासी निमानन्द आचार्यकी नाबालक १३ दिनकी छोरीको जीवन रक्षाका लागि १३ औं दिनको पुण्यतिथिका दिन ऐरावती गाउँपालिकाका अध्यक्ष नविल बिक्रम शाहले बिहिबार आर्थिक सहयोग गरेका हुन् ।
शाहले आचार्यको निवासमै पुगेर नगद पाँच हजार सहयोग गरेका थिए । बच्चाको लागि अन्य सहयोग आवश्यक परेकाले गाउँपालिकाको बाल सञ्जालमा जानकारी गराउन समेत शाहले आग्रह गरेका छन् ।
आर्थिक अवस्था कमजाेर भएकाले छोरीको जीवन रक्षाका लागि निमानन्दले सहयोगका लागि अपिल गरेका छन् । छोरी जन्मेको १३ औं दिन पुग्दा मंसिर १९ गते आमाको मृत्यू भएको ऐरावति बाल सञ्जालका सचिव अनुपराज पाण्डेले झुलेनी पोष्टलाई जानकारी दिए । निमानन्द र बिनाकी शिशु अघिकाे डेढ वर्षिय छाेरा पनि छन् ।
बाल सञ्जालले थप सहयोगको लागि अभियान सुरु गरेको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
