विद्यालयमा नियमित पठन पाठन गर्ने भनी शिक्षक र विद्यार्थीहरुलाई कोरोना बिरुद्धको खोप लगाउने अभियान थालिएको हो । जिल्ला स्वास्थ्य कार्यालयले गाउँपालिका तथा नगरपालिकाको समन्वयमा खोप केन्द्र पनि सञ्चालन ग¥यो । केहिँ विद्यार्थीहरु र शिक्षकले खोप लगाए भने केहिँले लगाउँदैछन् । तर विद्यालयमा पठन पाठन भने चलेको छैन । माघ लागेदेखि नै विद्यालय बन्द छन् ।

गत वर्षदेखि हप्ता दिन भन्दै महिनौं विद्यालयमा पढाइ नहुँदा आजित रहेका अभिभावक यसवर्ष पनि त्यस्तै हुन्छ की भन्ने पिरमा छन् । अब अभिभावकलाई कहिलेबाट अनलाइन क्लास गर्ने भनी सुचना आउने हो चिन्तामा छन् । शिक्षकहरुको तलव बसेकै छ, विद्यार्थीहरुले तिर्ने शुल्क पनि थपिएकै छ । तर पढाई भने चलेको छैन । जिल्ला प्रशासन कार्यालयले दोस्रो पटक सुचना निकालेर माघ महिनाभर शिक्षण संस्था बन्द गर्न गराउन निर्देशन दिएको छ । नियमित पठन पाठन नहुँदा विद्यार्थीहरु समस्यामा छन् भने अभिभावकहरु चिन्तामा ।