जिल्लामा अहिले भाइरल ज्वरोका बिरामीको संख्या ह्वातै बढेको छ । प्यूठान जिल्ला अस्पतालका निमित्त प्रमुख खिम पार्धेका अनुसार विगत केही दिन देखी भाइरल ज्वरोका विरामीको संख्या बढेको हो ।

उनका अनुसार अस्पतालमा दैनिक चेकजाचँ गराउन आएका बिरामीहरु मध्ये ५० प्रतिशत भन्दा धेरै ज्वरोका विरामी अस्पताल आउने गरेका र चेकजाचँ गर्दा अधिकाशं भाइरल ज्वरोका बिरामीहरु देखा परेका छन् ।

अस्पतालमा दैनिक १ सय जनाको हारहारीमा भाइरल ज्वरो देखा परेको छ । जिल्लाका अन्य निजी क्लिनिक तथा स्वास्थ्य संस्थाहरुमा पनि भाइरल ज्वरोका विरामीहरु बढेको स्वास्थ्यकर्मीहरुले बताएका छन् ।

अत्याधिक गर्मी तथा मौसममा आएको परिर्वतनसगैँ संक्रमित व्यक्तिले खोक्दा वा हाच्छिउ गर्दा भाइरल ज्वरो छिटो मात्रामा एक व्यक्तिबाट अर्को व्यक्तिमा सर्ने भएकाले शरीरमा उचित तापक्रम नमिल्दा इन्फेक्सनका कारण जिल्लामा भाइरल ज्वरोका बिरामीहरु बढेको अस्पतालका निमीत्त प्रमुख पार्धेको भनाई छ ।

यसबाट बच्नका लागि बिरामी तथा स्वस्थ व्यक्तिले अनिवार्य रुपमा मास्क लगाउने, बेलाबेलामा सावुन पानीले मिचिमिचि हात धुने, स्वस्थ खानपानमा विषेश ध्यान पुर्याउनुपर्छ ।