![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2022/12/22-2-185x400.jpg)
झिमरुक गाउँपालिका प्यूठानले आजदेखी भोलिसम्म दुुई दिन निशुल्क स्वास्थ्य शिविर सुरु गरेको छ । स्वास्थ्य निर्देशनालय बुटवल रुपन्देहीको आयोजना तथा झिमरुक गाउँपालिकाको सहयोग तथा समन्वयमा पौष ९ देखी १० गतेसम्म गौमुखी क्याम्पस मच्छिमा निशुल्क स्वास्थ्य शिविर सञ्चालन सुरु गरेको हो । गाउँपालिकाले शिविरमा नाक, कान,घाटी विशेषज्ञ सेवा, स्त्री रोग सम्बन्धि सेवा, छाला रोग सम्बन्धि सेवा, जनलर रोग (फिजिसियन) का साथै अन्य रोगहरुको पनि सेवा दिन लागेको हो ।
पहिलो दिन मै ४८६ जनाले सेवा लिन नाम दर्ता हुन् । जसमा महिला तथा स्त्री रोग भएका ६६,ल्याब ६८, नाक,कान,घाटी सम्बन्धि १३८,सामान्य उपचार १२९, छाला ८५, गरि ४८६ जनाले सेवा लिएको गाउँपालिका उपाध्यक्ष प्रमोद पोख्रेलले दिए । ती मध्ये पाठेघर खसेका ६, तल्लो पेट दुख्ने ६० र सुगर भएका ६ रहेका छन् । साथै रोगिहरुको समस्या पहिचान गरेर आर्थिक रुपमा कमजोर भएकाहरुलाई पालिकाले सहयोग गर्ने बताएका हुन् ।
जिल्ला समन्वय समिती प्रमुख धरम बहादुर जि.सीले शिविरको उद्घाटन गर्दै गाउँपालिकाले गरेको यस्तो काम सर्हानिय भएको उल्लेख गरे । गाउँमै यस्तो सुविधा दिए स्थानीयले सहज रुपमा सेवा लिन पाउने भन्दै स्वास्थ्य जस्तो संवेदनशिल कामलाई अगाडी सारेका भन्दै कार्यक्रमको प्रमुख अतिथि समेत रहेका जि.सी ले धन्यवाद व्यक्त गरे ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)