स्वर्गद्धारी नगरपालिका ६ नं वडालाई उद्यम बिकासको रुपमा बिकास गर्न सकिने वडा अध्यक्ष गिर बहादुर गुरुङ्गले बताए । स्थानीय कच्चा पदार्थमा आधारित अम्रिसोबाट कुँचो निर्माण गर्ने कार्यक्रमको तालिममा उनले यस्तो बताए । घरेलु तथा साना उद्योग कार्यलयको आयोजनामा १५ दिने अम्रिसोबाट कुचो बनाउने तालिमको स्वर्गद्धारी नगरपालिका ६ सालावाङमा समापन भएको हो । समापन कार्यक्रममा बोल्दै कार्यलय प्रमुख सरोज भण्डारिले गाउँगाउँमा उद्यम खोल्नुपर्ने आवश्यकता रहेको बताए । तालिममा सहभागि भएकाहरुले अव उद्योग दर्ता गरेर सामुहिक रुपमा व्यवसाय संचालनमा ल्याउने समेत उनले बताए । ११ जना तालिममा सहभागि रहेका थिए । स्वर्गद्धारी नगरपालिका ६ नं वडा अध्यक्ष गिर बहादुर गुरुङको अध्यक्षता, घरेलु तथा साना उद्योग कार्यलय प्रमुख सरोज भण्डारीको प्रमुख अतिथि तथा कार्यक्रम सञ्चालन उद्यम बिकास सहजकर्ता सुनिता नेपाललीले गरेका थिए ।