जिल्लाको गौमुखी गाउँपालिकाको अर्खा ठुलाचौर सडक मर्मत कार्य तिव्र गतिमा भईरहेको छ । माघि मेलालाई लक्षित गरेर स्तरोउन्ती गर्न थालिएको बाटो मर्मतको कार्य अन्तिम चरणमा पुगेको गौमुखी गाउँपालिकाले जनाएको छ ।
अति जोखिम क्षेत्रको अध्ययन गरी रोलर र ग्रेडर लगाइ गौमुखी गाउँपालिकाको सिमाना हरिया खोला देखि अर्खा ठुलाचौरसम्मको बाटो स्तरोउन्ती गर्न थालिएको हो । बाटो निमार्ण लागि गाउँपालिकाले करिब ८० लाख बजेट छुट्याएको थियो । बाटो मर्मत गरिएसँगै माघी मेला हेर्न आउने दर्शनार्थीहरुलाई आवतजावत गर्न सहज हुनेछ । बाटो निर्माण उपभोक्त समितिद्धारा गरिएको छ । झिमरुक नदिको उद्गम स्थल गौमुखीको अर्खामा बर्षौदेखी माघे संक्रान्तिका दिन ठुलो मेला लाग्दै आएको छ । माघ १ गतेका दिन अर्खामा गुल्मी, अर्घाखाची, रोल्पा बागंलुङ लगाएतका स्थानबाट गौमुखीमा नुहाउन आउने गर्छन । उक्त दिन हजारौ तिर्थालु, तथा दर्शनार्थीहरुको भिड लाग्ने गर्दछ ।