प्रतिनिधि सभा सदस्य सुर्य थापाले एकपटकको खेलले मात्र उपलब्धि हासिल गर्न नसकिने बताएका छन । माण्डवी गाउँपालिकामा सोमबार देखी सुरु भएको प्रथम राष्ट्रपति रनिङ शिल्डको उदघाटन कार्यक्रममा बोल्दै उनले यस्तो बताएका हुन् । खेलले हरेक पटकको समय खोजेको भन्दै एकपटकको खेलले मात्र उच्च स्थानमा पुग्न नसकिने बताउदै त्यसको लागि कैयौ पटक कोसिस गर्न आवश्यक रहेको बताए । खेलाडी, खेल एम्पायर, खेल शिक्षकहरू, सबैले अनुशासित बाताबरण प्रबर्द्धन गरेर माण्डवीमा भएको यो कार्यक्रमले जिल्ला भरिमै राम्रो संदेश दिने खालको अनुकरणीय काम बनाउने सबैको दायित्व भएको समेत उनको भनाई छ । जिल्लामा भएका सबै स्थानीय तहमा राम्रा खेल मैदान, पूर्वाधारहरु, स्टेडियमहरु बनाउनु पर्ने आवश्यक रहेको पनि उनले बताए छन् । त्यस्तै फरक प्रसगंमा थापाले सोही कार्यक्रममै जिल्लामा भइरहेको चोरको विगविगीको कुरालाई निकाल्दै चोर पत्ता नलाग्नु दुखको कुरा भएको व्यक्त गरे ।

त्यस्तै प्रमुख जिल्ला अधिकारी बेद प्रसाद अर्यालले खेलकुद भनेको यूवाहरुलाई गतिशिल बनाउने, अनुशासित बनाउने, देश निर्माणमा टेवा पु¥याउने माध्यम भएको बताए । उनले खेलकुदका क्लबहरु वडा हुँदै पालिका स्तरीय सम्म क्लब गठन गरि पालिकामा रहेको खेलकुद शाखाले समन्वय गरेर अगाडी बढेमा खेलकुदको बिकास गर्नमा पनि सहयोग पुग्ने धारण राखे । खेलकुद बिकासको लागि सामाजिक संस्थाको रुपमा अघि बढाउने खण्डमा संस्था दर्ता ऐनले पनि दर्ता गर्ने प्रावधान रहेको भन्दै संघिय, प्रदेश, स्थानीय तहबाट पनि आवश्यक समन्वय र सहकार्य गरेर खेलकुदलाई अगाडी बढाउन सुझाव पनि दिए ।

संविधान सभा सदस्य नारायण प्रसाद अधिकारीले संसारमा सबैभन्दा बढि चिनिने भनेको खेलाडी नै रहेको भन्दै राष्ट्रिय खेलाडी देशको अमुल्य गहना भएको बताएछन् । हिजोका दिनमा गाउँबस्तीबाट नै खेल खेल्दै आफ्नो श्रम, क्षमता र प्रतिभालाई अगाडी बढाउदै लगेर अहिले अन्तराष्ट्रिय खेलाडी बनेको खेलाडीलाई सम्झना दिलाएका छन् ।
प्रथम राष्ट्रपति रनिङ शिल्ड प्रतियोगिता माण्डबि गाउँपालिकामा सोमबार देखी सुरु भएको छ । कार्यक्रम माघ १८ गते सकिने भएको हो । कार्यक्रममा ५ विद्यालयका लागि १३ विद्याका खेलहरु हुने भएको हो ।

माण्डवी गाउँपालिका अध्यक्ष नवराज अधिकारीले खेललाई अनुशासित बनाए मात्र हाम्रो गौरव बढ्ने बताए । त्यस्तै उहाँले तीन तहको सरकारको सम्बन्ध नङ मासुको जस्तै बनाएर अगाडी बढ्न सकेमा सिंगो प्यूठान जिल्ला सहित माण्डवी गाउँपालिका विकास सम्भव गर्न सकिन पनि बताएका छन् ।

स्वास्थ्यका लागि खेलकुद, राष्ट्रका लागि खेलकुद भन्ने नाराका साथ संचालन भएको हो । कार्यक्रमको माण्डवी गाउँपालिका अध्यक्ष नवराज अधिकारी को अध्यक्षतामा सुरु भएको कार्यक्रमको प्रमुख अतिथि प्रतिनिधि सभा सदस्य सांसद सुर्य थापा, बिशिस्ट अतिथिमा संविधान सभा सदस्य नारायण प्रसाद अधिकारी, प्यूठान जिल्ला क्षेत्र न १ बाट निर्वाचित प्रदेश सभा माननीय सांसद तुल्सिराम शर्मा, अतिथिहरुमा जिल्ला समन्वय समिति उपप्रमुख दुर्गा रेग्मी, प्रमुख जिल्ला अधिकारी बेद प्रसाद अर्याल, गाउपालिका उपाध्यक्ष पुर्ण प्रसाद कालाथोकी रहेका थिए ।

कार्यक्रमको सञ्चालन प्रमुख प्रशासकीय अधिकृत प्रकाश पाण्डेले गरेका हुन् ।

कार्यक्रममा स्थानीय राजनैनिक दलका प्रतिनिधि, वडा अध्यक्ष, कार्यपालिका सदस्य एवम जनप्रतिनिधिहरु,विभिन्न सरकारी कार्यलयका प्रमुखहरु, पत्रकार, विभिन्न संघ(संस्थाका प्रतिनिधि, शिक्षक,बिद्यार्थी लगायतका जनसमुदायको उपस्थिति रहेको थियो ।