जिल्लामा संञ्चालन हुन लागेको स्वर्गद्वारी प्यूठान पाँचौ महोत्सवको प्रचार प्रसार समितिको बैठक निरन्तर रुपमा चलिरहेको छ । सोही अनुसार विहिबार बैठक बसेको प्यूठान उद्योग बाणिज्य संघका प्रेस सल्लाहाकार बिजय सिहं भारतीले जानकारी दिए । विहिबारको बैठकले आगामी फागुन ४ गते दखी १४ गतेसम्म सञ्चालन हुने महोत्सवको प्रचारप्रसारको कामलाई अगाडी बढाउने निर्णय गरेको छ ।

त्यस्तै बैठकले महोत्सवको टिकट दर रेटको पनि निर्धारण गरिसकेको छ । टिकट दर ८० रुपैयाँ रहने भएको छ । विद्यार्थीको लागि ५० रुपैयाँ र ७० बर्षभन्दा माथिका जेष्ठ नागरिकहरुलाई भने निशुल्क रहने गरि निर्णंय गरेको प्रेस सल्लाहाकार भारतीले बताए । जेष्ठ नागरिकले भने आफ्नो परिचय खुल्ने गरि जेष्ठ नागरिकको परिचय पत्र अनिवार्य रुपमा लिएर आउन समितिले अनुरोध गरेको छ । साथै स्टल बुकिङ्ग पनि चलिरहेको जानकारी गराउदै भारतीले उद्योग बाणिज्य संघका सदस्यहरुलाई भने २५ प्रतिशत छुट रहने बताए ।
महोत्सवमा दोहीरी प्रतियोगिता सहित दैनिक निशुल्क स्वास्थ्य शिविर पनि रहने बताइएको छ ।