लुम्बिनी प्रदेशका कृषी तथा भुमी ब्यवस्था मन्त्री माननीय शर्माले शिक्षा र खेलकुद विकासलाई प्राथमिकता दिने बताएका छन् । झिमरुक गाउँपालिका स्तरीय दोस्रो राष्ट्रपती रनिङ्शिल्ड प्रतियोगिताको उद्धाटन कार्यक्रमलाई सम्बोधन गर्दै उनले राम्रो खेलाडी उत्पादनका लागि विद्यालय स्तरबाटै सुरुवात गर्नुपर्ने बताए ।

विद्यालय तहमा खेलाडी उत्पादनका लागि सबै तहका सरकारहरुको सहकार्य आवश्यक रहेको उनको भनाई छ। सबै भन्दा पहिला मानविय विकास महत्वपूर्ण रहेको भन्दै मानविय विकासलाई जोड दिने बताए। प्युठान जिल्ला कृषिको प्रचुर सम्भावना भएको जिल्ला रहेकोले यस तर्फ देखिने गरि कृषकले अनुभुती गर्ने गरि किसान लक्ष्यित कार्यक्रम बनाउने उनको भनाई थियो ।

उद्घाटन कार्यक्रममा प्रदेश सभा सदस्य धनलक्ष्मी श्रेष्ठले बालबालिकाको सर्वाङ्गिर्ण विकासका लागि विधालय उमेरदेखि नै खेलकुद, संगित जस्ता क्रियाकलापमा विद्यार्थी भाइबहिनीहरुलाई उपयुक्त वातावरण सृजना गरिदिन सबै पक्षसँग आग्रह गरे ।
कार्यक्रममा जिल्ला समन्वय समितीका प्रमुख धरम बहादुर जिसीले बालबालिकाको चौतर्फी बिकासको लागि अतिरिक्त क्रियाकलाप महत्त्वपूर्ण हुने भएकोले बिधालय स्तरबाट खेलकुद संगीत डान्स जस्ता विद्यार्थीको रुचिको बिषयलाई प्राथमिकता दिनुपर्नेमा जोड दिए ।
स्थानीय सरकारले प्रत्येक बिद्यालयहरुमा खेलकुदलाई महत्त्व दिएर अगाडि बढ्नुपर्ने अहिलेको आवश्यकता छ ।
उनले भने, खेलको माध्यम बाट गाउँ समाज जिला प्रदेश राष्ट्रिय हुँदै अन्तर्राष्ट्रिय स्तर सम्म देश लाई चिनाउने माध्यम भएकोले यस तर्फ सबै सरकारहरुले लगानीको दायरा बढाउनु पर्छ ।
त्यस्तै झिमरुक गाउँपालिका अध्यक्ष पित बहादुर महतरा क्षेत्रीले स्वस्थ जनशक्तिको माध्यमबाट झिमरुकको समृद्धि हासिल गर्न सकिने भएकोले शारीरिक, मानसिक रुपमा स्वास्थ्य रहन खेलकुद अपरिहार्य भएको बताउनुभयो। पालिकाको समृद्धिको लागि सबैको सहकार्य महत्त्वपूर्ण हुने भन्दै एकमना एकताका साथ लाग्नुपर्ने उहाँको भनाइ छ ।

प्रतियोगितामा गाउँपालिकाभित्र रहेका १० वटा माध्यामिक तह अन्तरगतका सामुदायिक विधालयबाट खेलाडीको सहभागिता रहेको शिक्षा शाखा प्रमुख मोहन बिसीले जानकारी दिए ।
उनका अनुसार प्रतियोगितामा एथलेटिक्स र विभिन्न विधा सहित भलिवल प्रतियोगिता लगायतका खेलहरू हुनेछ ।
प्रतियोगिता अन्तर्गत फिल्ड हाइजम्प, लङजम्प, त्रिपल जम्प, ज्याभलिङ थ्रो, सटपुट, रिले दौड, भलिबल, कबड्डी, लगायतका खेलमा चार सय खेलाडी खेल सहभागी रहेको उनले बताए ।
प्रतियोगिताको उद्घाटनका अवसरमा खेलाडीले स्वागत पीटी प्रदर्शन, स्वागत गितको प्रस्तुति देखाएका थिए । बिजेता खेलाडीलाई प्रमाणपत्र मेटल शिल नगद प्रदान गरिने गाउँपालिकाले जनाएको छ ।
झिमरुक गाउँपालिका स्तरीय दोस्रो राष्ट्रपती रनिङ्शिल्ड प्रतियोगिता शुक्रबारदेखि सुरू भएको हो । पालिका नजिकै रहेको खेलमैदान प्रतियोगिता सुरू भएको छ ।
झिमरुक गाउँपालिका स्तरीय दोस्रो राष्ट्रपती रनिङ्शिल्ड प्रतियोगिता झिमरुक गाउँपालिका अध्यक्ष पित बहादुर महतरा क्षेत्रीको अध्यक्षता तथा लुम्बिनी प्रदेश कृषी तथा भुमी ब्यवस्था मन्त्री माननीय तुल्सिराम शर्माको प्रमुख आतिथ्यता रहेको कार्यक्रममा स्वागत उपाध्यक्ष प्रमोद पोख्रेलले गरेका थिए भने कार्यक्रम संचालन शिक्षा शाखा प्रमुख मोहन बिसीले गरेका हुन् ।

कार्यालय वडा अध्यक्ष जनप्रतिनिधि राजनीतिक दलका प्रतिनिधि, खेलाडी, शिक्षक, विद्यार्थी, समाजसेवी, बुद्धिजीवी, कर्मचारी, पत्रकार लगाएको उपस्तिथि रहेको थियो ।