जन्मदिन मनाउने शैलि पछिल्लो केही समय यता फेरिदै गएको छ ।

सोही अवसरमा जाल्पा सामुदायिक लघुवित्त बित्तिय संस्था लिमिटेड सरुमारानी गाउँपालिका ४ वड्डाका शाखा प्रमुख प्रदिप भण्डारीले आफ्नो जन्मदिनमा बिद्यार्थीलाई शैक्षिक सामाग्री दिएर जन्मदिन मनाएका छन् ।

आज बुधबार परेको आफ्नो जन्मदिनको अवसर पारी भण्डारीले जनता मा.वि बड्डामा अध्ययनरत जेहेन्दार ७ बालबालिकाहरुलाई कपि र कलम सहयोग गरेका हुन् ।

प्राय केही व्यक्तिले जन्मदिनको नाममा अनेकौ फजुल खर्च गरेको तर सामाजिक कार्यमा कसैको पनि ध्यान केन्द्रित नभएको बताउदै आफुले त्यो फजुल खर्चको केही हिंसा गरिब दुखिहरुको लागि खर्च गरेको बताए ।

उनले यो अवसरमा बालबालिकालाई सहयोग गर्न पाउँदा आफुलाई निकै खुसी लागेको समेत बताएका छन् ।
फजुल खर्च गर्नुको सट्टा कुनै गरिब दिन दुखि र सामाजिक कार्यमा अग्रसर हुन प्रेरित गर्ने खालको उदाहरण सहित उनले यो सहयोग अगाडी सारेको बताए ।

यस्तो कार्यले समाजमा सकारात्मक संदेश प्रवाह गर्नमा ठूलो भुमिका खेल्ने भन्दै जनता मा.वि का प्रधानाध्यापक योग कुमार पाण्डेले सहयोग गरेको मा भण्डारीलाई धन्यवाद दिए ।

साथै हरकोहीले यो कार्यलाई पछ्याउन सके अझै केही सकारात्मक ढङगले जन्मदिन मनाउनेमा परिवर्तन हुन सक्ने उनको विश्वास छ ।