नौबहिनी गाउँपालिकाको मूख्य बजार, बहाने बजार अनुगमन गरिएको छ । नौबहिनी गाउँपालिका अध्यक्ष डिल बहादुर थापा मगर र प्रमुख प्रशाकिय अधिकृत शिवराज पौडेल लगाएतको टोलीले बहाने बजार आसपासका पसल तथा खोकाहरुको अनुगमन गरेका हुन् । ब्यवसाय दर्ता तथा नबिकरण, खाद्यान्न बस्तु म्यादको अवस्था लगाएतका बारेमा अनुगमन गरिएको हो ।
अनुगमनका क्रममा बजारमा ब्यवसाय दर्ता गरेका तर पुनः नबिकरण नगरिएको पसल तथा खोकाहरु फेला परेका थिए । त्यस्तै कतिपय पसलहरुमा म्याद गुज्रिएका सामाग्रीहरु भेटिएका थिए । आउदो १५ दिन भित्रमा नबिकरण नगरिएका पसल तथा खोका व्यवासायीहरुलाई व्यवसाय पुनः नबिकरण गर्न र म्याद गुज्रिएका खाद्य बस्तुहरु तुरुन्त हटाउन निर्देशन दिइएको छ । अनुगमनमा नौबहिनी गाउँपालिका उपाध्यक्ष विष्णा थापा, उद्योग बाणिज्य संघका अध्यक्ष विष्णु केसी, सचिव कृष्ण केसी, स्थानीय पत्रकार महेश थापा लगाएतको उपस्थिती रहेको थियो ।