लामो समय देखी हुन नसकेको स्ववियु चुनाव देशभरका सबै क्याम्पसमा चैत्र ५ गते हँुदैछ । प्यूठानमा भने सबै क्याम्पसहरुमा विद्यार्थी संगठनहरुले सर्वसम्मत स्ववियु सभापति चयन गर्ने निर्णय गरेका छन् । आइतबार जिल्लामा क्रियाशिल सबै विद्यार्थी संगठनहरुले संयूक्त प्रेस विज्ञप्ती जारी गर्दै जिल्लाका पाचँ वटै क्याम्पसहरुमा आपसी सहमतिमा बाडँफाडँ गरी सर्वसम्मत टुङ्गो लगाउने निर्णय गरेका हुन् ।
विद्यार्थीको हक, अधिकार सुनिश्चित गर्न जिल्लाका सबै संगठनहरुको अत्यन्तै महत्वपूर्ण भुमिका रहेकोले सर्वसहमतीमै जाने निर्णय गरेको नेवि संघ प्यूठानका सभापति कल्याण केसीले बताए । यो निर्णयले जिल्लामा राम्रो सन्देश प्रवाह गर्न मद्दत पुगेको केसीको विश्वास छ ।
स्वर्गद्वारी बहुमुखी क्याम्पसमा अनेरास्ववियु, झिमरुक क्याम्पसमा अखिल क्रान्तिकारी, प्यूठान क्याम्पसमा नेपाल विद्यार्थी संघ, गौमुखी क्याम्पसमा अखिल छैठो र अमर क्याम्पस भिंग्रीमा नेपाल विद्यार्थी संघले सभापति ल्याउने र अन्य पदाधिकारीमा मिलेर जाने निर्णय भएको अखिल क्रान्तिकारी केन्द्रिय सचिवालय सदस्य पुस्कर शर्माले जानकारी दिए ।
प्यूठानमा अनेरास्ववियु, नेवि संघ, अखिल छैठौ, अखिल क्रान्तिकारी र अखिल (क्रान्तिकारी) विप्लव क्रियाशिल छन् ।