बिबश जि एम २०७९ चैत्र १५ प्यूठान
२०७९ चैत्र १५ प्यूठानप्यूठान नगरपालिकाले अति न्यून आय भएका कृषकहरुका लागि कुखुराको चल्ला वितरण गरेको छ ।
नगरपालिकाले यो आर्थिक बर्षको लागि वडा नं २, ३ र ६ नं वडा गरि तीन वटा वडामा चल्ला वितरण गरेको हो । २ र ३ नं वडामा २०/२० घरधुरी र ६ नं वडामा १० घरधुरी गरी जम्मा यो बर्ष ५० घरधुरीका लागि दाना पानीको लागि भाँडा र १० किलो दाना दिएको छ ।
आर्थिक उपार्जन तथा पोषण सुधारको लागि न्यून आय भएका व्यक्तिहरुलाई चल्ला वितरण गरिएको प्यूठान नगरपालिका पशुसेवा शाखा प्रमुख गिरिराज पौडेलले जानकारी दिए ।
अण्डा र मासु किन्न नपर्ने गरि कृषकहरुलाई आत्मनिर्भर बनाउनका लागि चल्ला दिइएको शाखा प्रमुख पौडेलले बताए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
