२०८० जेठ ५ आमाको क्रीया बाटै प्युठानका एक युवाले कक्षा १२ को परिक्षा दिएका छन् ।
जिल्लाको नौबहिनी गाउँपालिका ८ लुप्लुङ्ग घर भएका १७ वर्षिय दिपक भण्डारीले कक्षा १२ को परिक्षा दिदै थिए ।
परिक्षा सकिन नपाउदै उनको आमा बसन्ता भण्डारीको गत बैसाख ३१ गते मृत्यु भयो ।
आफ्नो पढाईको महत्वपूर्ण समयमा दिपकको परिवारमा ठूलो शोक उत्पन्न भयो ।
एकातिर आमाको देहान्त अर्कोतिर आफ्नो भविष्यको चिन्ता, सायद यस्तो बज्रपात कमै मान्छेहरुमा पर्छ ।
अहिले यो पीडा भोग्दै दिपकले शुक्रबार परिक्षा सक्काएका छन् ।
सबै साथिहरु पोसाकमा परिक्षा दिन जादा आफू क्रियाको भेसमा अलग्गै बसेर परिक्षा दिदा नर्भस भएको उनले सुनाए ।
घरपरिवारको जेठो छोरा समेत रहेका दिपकले मुक्ति मावि रातामाटामा अध्ययन गर्दै आएका थिए ।
व्यवस्थापन संकाय तर्हको परिक्षा दिदै गरेका उनको परिक्षा केन्द्र कालिका आवासीय माध्यमिक विद्यालय प्युठान नगरपालिका ४, टारिमा परेको थियो ।
दिपकले २ वटा विषयको परिक्षा दिन बाँकी थियो ।
अकस्मात आमाको निधनले उनलाई परिक्षा केन्द्रसम्म पुर्याउनको लागि स्थानीय बिनोद भण्डारीले सहयोग गरेको बताए ।
त्यस्तै उनलाई क्रियाकै भेषमा पनि सहज रुपमा परिक्षा दिने वातावरण मिलाएको विद्यालयका प्रधानाध्यापक दुर्गा गुरुङ्गले बताए ।
