नागबेली बहुद्देश्यीय कृषि सहकारी संस्था लि. प्यूठान नगरपालिका ३ प्यूठानले सञ्चालन गर्ने कृषि हाट बजारको शुत्रबार उदघाटन भएको छ । हाटबजार तथा तिज विशेष कार्यक्रको उद्घाटन प्यूठान नगरपालिकाका मेयर विष्णु योगीले गरेका हुन् ।

हाटबजारमा प्यूठानको नौबहिनी १ स्याउँलीबाङको स्थानीय आलु तथा प्यूठान नगरपालिकाका विभिन्न वडाहरुमा उत्पादन भएका स्थानीय तरकारी किसानले बिक्रि गर्नको लागि लिएका छन् । सहकारीले किसानको उत्पादनलाई प्रोत्साहन गर्नको लागि निःशुल्क स्टल प्रदान गरेको छ । हाटबजारमा आलु, चिचिन्नो, सिमी बोडि, स्थानीय मर्चेकेरा, सिमेसाँग, हरीयो खुर्सानी लगायत कृषि उत्पादनहरु राम्रो विक्रि भएको आयोजकले जनाएको छ ।

किसानको उत्पादनलाई बजारीकरण गर्नको लागि हरेक शुक्रबार/शुक्रबार प्यूठान नगरपालिका ३ नयाँबजरमा हाटबजार लगाइने नागबेली कृषि सहकारी सस्थाका लि. का अध्यक्ष विष्णु पाण्डेले बताए । हाटबजारमा आफ्नो उत्पादनले राम्रो मूल्य पायपछि किसानहरु उत्साहित छन् ।