स्वर्गद्धारी गौमुखी यातायात सेवा प्रा.लि प्यूठानले प्रा.लि अन्र्तगत संचालित गाडीहरुलाई विना विलको खाद्यान्न नबोक्न भनेको छ । आज आइतबार बसेको प्रा.लिको बैठकले यस्तो निष्कर्ष निकालेपछि एक सूचना मार्फत जानकारी गराएको हो । साथै कानुनले बन्देज गरेका सामानहरु समेत ओसारपसार नगर्न आग्रह गरेको छ ।

आफ्नो प्रालिका गाडीहरु कानुनी झमेलामा पर्न सक्ने भन्दै सचेत गराउनको लागि अखाद्य सामान, विना विलको खाद्यान्न र कानुनले बन्देज गरेका सामान ओसारपसार नगर्न भनि सूचना निकालिएको स्वर्गद्धारी गौमुखी यातायात सेवा प्रा.लि प्यूठानका सहाय कार्यालय प्रमुख विकास सुवेदीले जानकारी दिए । उनका अनुसार यदि सूचनालाई अटेर गरी त्यस्ता मालसामान बोकेको खण्डमा कानुनी कार्वाहीमा प्रा.लि जवाफदेही नहुने भएको छ ।