साहित्य परिषद प्यूठानको २९औं स्थापना दिवस, सष्ट्रा सम्मान एवम् वार्षिक साहित्य परिषद जुम्रीमा सम्पन्न भएको छ । बुधबार २९औं स्थापना दिवस मनाउँदै साहित्य परिषद प्यूठानले ७ जनालाई सम्मान गरेको छ ।

सम्मान हुनेमा भूपेन्द्र स्मृति साहित्य पुरस्कारबाट नेपाल बाल साहित्य समाजका महासचिव बिजयराज आचार्य, शशिधर भण्डारी, ठइदेबी साहित्य पत्रकारिता पुरस्कारबाट सुशिल पोख्रेल, नीना साहित्य पुरस्कारबाट सीता बि.क (सम्झना), कप्तान नरलिला स्मृति पुरस्कारबाट राम प्रसाद पोख्रेल, नवप्रतिभा साहित्य पुरस्कारबाट लोकेन्द्र जि.सी लाई सम्मान गरिएको हो ।

कार्यक्रममा प्रमुख अतिथि लुम्बिनी प्रदेशका सांसद निमा गिरीले साहित्यमा माया प्रेमका कथा मात्र नआउने बताएकी छिन् । बुधबार साहित्य परिषद प्यूठानको २९औं स्थापना दिवस, स्रष्टा सम्मान एवम् वार्षिक साहित्य परिषदलाई सम्बोधन गर्दै गिरीले यस्तो बताएकी हुन् । साहित्यसँग अर्थ, आर्थिक साहित्य हुने भएकाले एउटा मात्र अर्थमा साहित्यलाई परिभाषित गर्न नसकिने उनले बताईन् । साहित्य मार्फत प्रचारप्रसार गरेर लुेकेर रहेका हरेक चिजलाई बाहिर पर्यटनसँग जोड्न सकेमा आर्थिक उपार्जन गर्न सकिने सासंद गिरीको भनाई थियो ।

प्रमुख जिल्ला अधिकारी नारायण प्रसाद अर्यालले साहित्यकारहरुले आफ्नो रचना जोगाउन आवश्यक रहेको बताए । पछिल्लो समय एउटाले सिर्जना गरेको रचना अर्कोले प्रस्तुत गर्दा रचनाकार नै पछि पर्नुपर्ने वा आर्थिक उपार्जनमा स्वयम रचनाकारलाई असर पुग्ने बताउँदै प्रजिअ अर्यालले त्यसमा साहित्यकार स्वयम चनाखो बन्नुपर्ने बताएका हुन् ।

जिल्ला समन्वय समितिका प्रमुख धरम बहादुर जि।सीले साहित्य परिषदले यतिमात्र नभई यस्ता कार्यक्रमलाई अगाडी बढाउनको निम्ति सबैसँग सहयोग लिन आग्रह गरेका छन् । जिल्ला समन्वयसँग पनि हातेमाले गरेर अघि बढ्न खोजेमा त्यसको लागि जि।स।स सधै सकारात्मक रहने प्रतिवद्धता व्यक्त गरे।

साहित्य परिषद प्यूठानका सचिव धुर्व जि।सीले साङ्ठनिक प्रतिबेदन पेस गरेका थिए भने आर्थिक प्रतिबेदन कोषाध्यक्ष राजकुमारी खड्काले प्रस्तुत गरेकी थिइन् । कार्यवाहक अध्यक्ष बिमला खनालको अध्यक्षता तथा प्रमुख अतिथी लुम्बिनी प्रदेश सभा सांसद निमा गिरी, संस्थाका संस्थापक अध्यक्ष, विभिन्न संघसंस्था, विद्यार्थी, सञ्चारकर्मी, साहित्य सँग सम्बन्धित व्यक्ति लगायतको सहभागिता रहेको थियो ।

कार्यक्रममा साहित्य परिषद प्यूठानका सदस्य जायस्वर जैसी र लोकेन्द्र जिसीले सम्मानितहरुको लेख लेखेका थिए ।