अमर क्याम्पस भिङ्ग्री प्यूठानको सञ्चालक समितिको अध्यक्षका लागि भएको मतदानको मतगणना हुन सकेको छैन । शनिवार मतदान कार्यक्रम सकिए पनि आईतबार सम्म मतगणना हुन नसकेको हो । मतपेटिकालाई इलाका प्रहरी कार्यालय भिंगृमा सुरक्षित राखिएको जिल्ला प्रहरी कार्यालय प्यूठानका प्रमुख इश्वर थापाले जानकारी दिए ।

एक पक्षिय उम्मेदवार गणनामा सहभागि नभएपछि मत गणना नभएको क्याम्पसका एक शिक्षकले जानकारी दिए । उनका अनुसार दुईपक्ष नै उपस्थित भएको खण्डमा सोमबार गणना गरिने छ ।

सञ्चालक समितिको अध्यक्षका लागि नेत्रबहादुर रोका क्षेत्री र सुर्वण कुमार श्रेष्ठ उम्मेदवार रहेका छन् । रोकालाई नेकपा (एमाले) र श्रेष्ठलाई नेपाली कांग्रेस लगायतका दलहरुको समर्थन रहेको छ ।