नेकपा एकिकृत समाजवादी पार्टीका प्रतिनिधि सभा सदस्य मेटमणी चौधरीले पार्टीलाई बलियो बनाउन जनताप्रतिको विश्वास टुटाउन नहुने बताएका छन् । विहीबार एकिकृत समाजवादी पार्टी जिल्ला कमिटी प्यूठानले आयोजना गरेको पार्टी कमिटी बैठकलाई सम्बोधन गर्दै सासंद चौधरीले यस्तो बताएका हुन् । पछिल्लो समय राजनीति प्रति जनताको विश्वास कम हुँदै गएको भन्दै यस पार्टी सम्वद्ध नेताहरु चनाखो हुन आवश्यक रहेको उनको भनाई थियो । मुलुकको राजनीति कता धकेलिदै छ भन्ने कुरा बुझ्न पनि सांसद चौधरीले आफ्ना नेता कार्यकर्तालाई आग्रह गरे । साथै बैशाख ३ देखि ७ गतेसम्म काठ्माडौंमा पार्टीको राष्ट्रिय महाधिवेशन हुने समेत जानकारी गराएका छन् ।

नेकपा एकिकृत समाजवादी जिल्ला कमिटी प्यूठानका अध्यक्ष भोजविक्रम बुढा मगरको अध्यक्षतामा पार्टी कार्यालय जुम्रीमा भएको बैठकमा पार्टीका नेता तथा कार्यकर्ताहरुको सहभागिता रहेको थियो ।