नेपाली हर्ट ग्रुपले शनिबार कैलालीको एक आश्रममा सहयोग गरेको छ । ‘‘खाना नाना र छाना नभएकाहरुका लागि सहयोगार्थ अभियान, जहाँ जहाँ भएपनी हामी नेपाली” भन्ने मुल नाराका साथ ग्रुपले घोडाघोडी नगरपालिका बौनिया कैलालीको साहारा घरमा २ लाख बढी रकमको खाध्यान्न, कपडा सहयोग गर्दै १५ हजारको अक्षयकोष समेत स्थापना गरेको हो ।

दुःखका बेला देशको विभिन्न ठाउँमा पुगेर सहयोग गर्दै आएको हर्ट ग्रुपले यसपटक ११४ औं सहयोग कार्यक्रम बौनिया कैलालीमा गरेको नेपाली हर्ट ग्रुपका केन्द्रिय अध्यक्ष डिल्लिराज पराजुलिले बताए । फेसबुक, टिकटक, जस्ता समाजिक सञ्जालमा जोडिएर हर्ट ग्रुपका विभिन्न सदस्यहरुले देश बिदेशबाट संकलन गरिएको सहयोग रकम द्वारा सामाजिक काम गर्दै आएको उनले बताए ।

साहारा घरका अध्यक्ष एबम संचालक बल बहादुर बिस्टले सामाग्री सहयोग गरेको भन्दै हर्ट ग्रुप र सहयोगीलाई धन्यवाद दिएका छन् । हर्ट ग्रुपका केन्द्रीय अध्यक्ष डिल्लिराज पराजुलिको अध्यक्षतामा प्रमुख अथिती घोडाघोडी नगरपालिकाका मेयर खडक राउत रहेका थिए ।

ग्रुपका विभिन्न जिल्लाबाट आएका सदस्य, स्थानिय जनप्रतिनिधि, प्रहरी, पत्रकारको उपस्थित थियो । सहयोग हस्तान्तरण कार्यक्रमको संचालन नेपाली हर्ट ग्रुपका सदस्य उत्तम लामाले गरेका थिए ।