![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2024/05/Untitled-1-copy-1-768x400.jpg)
सरूमारानी गापा ४ मा रहेको ऐरावती बहुउद्देश्यीय साना किसान सहकारी संस्थाका ५५ जना सदस्य तथा अगुवा कृषकहरूलाई ज्याक प्लान्ट उपकरण वितरण गरिएको छ । बिहीबार ऐरावती बहुउद्देश्यीय साना किसान सहकारीको आयोजनामा भएको एक कार्यक्रम मार्फत ज्याक प्लान्ट उपकरण वितरण गरिएको गाउँपालिकाले जनाएको छ ।
गाउँपालिकामा सहकारीले प्रस्ताव पेश गरे अनुसारको पालिकाको आर्थिक सहयोगमा उक्त ज्याक प्लान्ट खरीद गरी कृषकहरुलाई वितरण गरिएको गाउँपालिकाका प्रवक्ता तथा ४ नं वडाध्यक्ष चिन्त सोमै मगरले जानकारी दिए ।
पछिल्लो समय किसानले गोरु पाल्न छाडेपछि ट्याक्टरले जोड्दा छरेका मकैका बेर्नाहरु एक ठाउँमा मात्र सिमित हुने भएकाले त्यसका लागि मकैको बिउ छर्न ज्याक प्लान्टले सहज हुने भन्दै उक्त सामाग्री वितरण गरिएको छ । मकैको बिउ सँगै त्यस उपकरणले यूरिया मल, डियपी समेत राख्न सहजिकरण गर्ने भएकाले पनि त्यसबाट किसानलाई सहज हुने बताईएको छ ।
त्यस्तै सरुमारानी गाउँपालिका १ मा रहेको बाङ्गेसाल साना किसान सहकारी संस्थाका ५५ जना सदस्य तथा अगुवा कृषकहरूलाई समेत केही दिनमा सो उपकरण वितरण गरिने गाउँपालिका प्रवक्ता सोमैको भनाई छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)