स्वर्गद्धारी नगरपालिका भिग्रीमा कृषि प्रदशनि मेला सञ्चालन भएको छ । बुधवार मेलाको जिल्ला समन्वय समितिका उपप्रमुख पदम थापाले उद्घाटन गर्नुभएको छ । मेलाको उद्घाटन गर्दै थापाले जिल्लालाई कृषि क्षेत्रका अग्र स्थानमा राख्नका लागि यो महोत्सव महत्वपूर्ण भएको बताउनुभयो ।नेपाल कृषि प्रदान देश हो । उहाँले भन्नुभयो,–‘मेला मार्फत स्वर्गद्धारी नगरपालिकाले झझल्को देखाएको छ । ’
कृषि क्षेत्रमा राम्रो सम्भावना भएको यस क्षेत्रमा मेला सञ्चालन गर्नु आवश्यक रहेको बताउनुभयो । उहाँले भन्नुभयो,–‘यस क्षेत्रमा कृषिको आधुनिकिरण गरेमा नगरनै समृद्ध हुन्छ । ’ नगरपालिकालाई समृद्ध बनाउन निर्वाचित जनप्रतिनिधिहरु हातेमालो गरेर अगाडी वढनुपर्ने उहाँको भनाई छ ।
स्वर्गद्धारी नगरपालिकाको विकास र समृद्धका लागि मेला सञ्चालन गरेको नगरप्रमुख नेत्र बहादुर रोकायले बताउनुभयो । उहाँले भन्नुभयो,–‘नगरक्षेत्रका किसानहरु निर्वाहमुखी नभएर व्यवसायिकमुखी बन्नुपर्छ ।’
स्वर्गद्धारी नगरपालिका कृषि विकास शाखाको आयोजना तथा फुलबारी एकिकृत ग्रामिण विकास संस्था गोल परियोजनाको सहकार्यमा सञ्चालन भएको कृषि मेलामा मंगलबार स्टल दर्ता गरिएको हो । २७ गते सम्म चल्ने मेलामा ९५ जना किसानले २ सय १५ वटा उन्नत जातका कृषि उत्पादन बस्तुहरु प्रर्दशन गरिएको आयोजकले जनाएको छ ।