शनिबार राती आएको हावाहुरीले प्यूठानको विभिन्न ठाउँमा भौतिक क्षति गरेको छ । नौबहिनी गाउँपालिका ३ स्थित ठण्डा आधारभूत विद्यालयको छाना, स्थानीय लिल बहादुर घर्ती मगरको घरको छाना उडाएको छ ।

त्यस्तै प्यूठान नगरपालिका ६ माझकोट स्थित धर्मावती माध्यमिक विद्यालयको छाना र खानेपानीको पाईपमा क्षति पुराएको छ भने प्यूठान नगरपालिकाको प्रशासकीय भवन नजिकै रहेको राना कृषी तथा पशुपंन्छी फर्मको गोठ भत्काएको छ ।

त्यस्तै मल्लरानी गाउपालिका ३ स्थित मुन्डाडामा सिमलको बोट ढल्दा स्थानीय शोभा खत्रीको पसलमा क्षति गरेको छ ।

ऐरावती गाउँपालिका १ बल्बोटका घरका टिनको छाना र खरले छाएका छानाहरु उडाएको छ ।

 राष्ट्रिय प्रशारण लाइन लमहि वसपार्कमा समस्या देखिएको बुटवल पावर कम्पनीले जनाएको छ । त्यसैले गर्दा विद्युत आपूर्तिमा जिल्लाभर नै समस्या भएको हो ।